"شرح جد بسيط وبالداريجة المغربية لرواية اللص والكلاب للكاتب المصري نجيب محفوظ''
شرح فصول رواية اللص_والكلاب_بالدارجة المغربية
تلخيص فصول رواية اللص والكلاب"
*الفصل الأول*
سعيد مهران خرج من الحبس من بعد ماقضى فيه 4 سنين بتهمة السرقة، ومشى للحي لي كيسكن فيه، وتم غيكتشف الخيانة نتاع "عليش" ومراتو "نبوية"، وطلب منهم باش يرجعولو الممتلكات نتاعو لي هما الكتب لفلوس نتاعو والكتب..بالنسبة للفلوس ماسترجعهومش و الكتب سترجع يلاه شي وحدين ماشي كاملين...وبالنسبة لبنتو سناء ماتعرفتش عليه فاش بغا يعنكها ويسلم عليها بقات كتغوت، حيت فاش دخل للحبس خلها صغيرة بزاااف! و فكر فالانتقام من "عليش"!
- مظاهر الفشل فهاد الفصل:
●فشله في تعرف ابنته سناء عليه!
●فشله في استرجاع أمواله و كتبه كلها!
- علاقة سعيد مهران بنبوية: علاقة زوجية وحب قبل الدخول إلى السجن، تحولت إلى علاقة عداء وكراهية بعد الخروج من السجن، من بعد ماطعنوه فظهرو!
- علاقة سعيد مهران بعليش: علاقة صداقة ومحبة قبل الدخول إلى السجن، تحولت إلى كراهية وعداء وانتقام بعد السجن!
*الفصل الثاني*
سعيد مهران مشى عند "الشيخ علي الجنيدي" ولي هو إنسان متدين متشبع بقيم الصوفية، عندو مقام هو زواية باللغة نتاعنا.. وكلو وشربو...المهم شكا عليه الخيانة لي تلقها من صديق نتاعو لي كان كيتيف فيه تيقة عمياء...و خبرو بلي باغي ينتقم منو...و شيخ علي الجنيدي طلب منو باش يتهدأ وكالو نوض توضا ونعل عليك شيطان حيت كاين فواحد الحديث نبوي شريف أن الوضوء كيقلل من الغضب!
- علاقة سعيد مهران بالشيخ علي الجنيدي: علاقة صداقة ومساعدة، حيث وفر له المأوى ولم يبخل عليه بالنصائح!
*الفصل الثالت*
سعيد مهران مشى عند "رؤوف علوان" لي هو الأستاذ نتاعو لي علموا قيم الاشتراكية ولي كان كيكولو يجوز لك تسرق الأغنياء حيت دايرين داك شي غي من فلوسنا حنا القفراء! ولكن فاش ولا لباس عليه تنكر للمبادئ نتاعو ولا انتهازي!، المهم حتى هو وكل وشرب س.م و سعيد مهران طلب منو يخدموا معه فجريدة الزهرة، لكن رؤوف.ع مابغاش كالو نت غير مثقف وعندك سوابق قضائية! وهانوا بحيث عطاه 10 جنيهات بحالي كيتصدق عليه زعما! و فكر من بعد هاد شي كامل أنه ينتاقم منو!
- علاقة سعيد مهران برؤوف علوان: علاقة صداقة قبل السجن، تحولت إلى علاقة عداء وكراهيه بعد السجن!
*الفصل الرابع*
سعيد مهران مشى باش ينتقم من رؤوف علوان، وبغا يسرقلو الفيلا نتاعو..لكن رؤوف علوان كان عارف بلي غيحاول ينتقم منو...هذا علاش دار الاختياطات نتاعو.. و س.م فشل فالانتقام وهانو مرة خرى رؤوف.ع
- مظاهر الفشل فهاد الفصل:
●فشل سعيد في الانتقام من رؤوف علوان!
*الفصل الخامس*
سعيد مهران مشى عند "المعلم طرزان" للقهوة نتاعو، باش يعطيه الكابوس (المسدس) باش ينفذ العملية الانتقامية نتاعو من عليش!
- علاقة س.م بالمعلم طرزان: علاقة صداقة ومساعدة!
*الفصل السادس*
هنا ظهرت شخصية جديدة هي "نور" صديقة س.م و لي عاونتو باش يحصل على السيارة!
- علاقة س.م بنور: علاقة صداقة يغيب فيها الحب مع سعيد، تحولت إلى علاقة مساعدة،وعطف و محبة في زمن المطاردة!
*الفصل السابع*
وقعت الجريمة الأولى، حيث سعيد.م مهران قتل "حسين شعيب بالخطأ من بعد ما جا يقتل عليش!
- مظاهر الفشل فهاد الفصل: فشل سعيد.م في الانتقام (قتل) من عليش!
*الفصل الثامن*
سعيد.م مشى باش يتخبع عند الشيخ الجنيدي باش مايشدوهش البوليس!
*الفصل التاسع*
س.م مابقاش فالبيت نتاع الشيخ الجنيدي، حيت حس براسو ما مأمنش تم ويقدرو يلقاوه البوليس فأي لحظة، هذا علاش مشى عند نور باش يتخبع عندها فالبيت لأنه مأمن كتر!
*الفصل العاشر*
فاش كان سعيد.م فالمنزل نتاع نور..تفكر ذكريات نتاع زواج نتاعو بنبوية و ذكرى نتاع الولادة نتاع بنتو سناء!
*الفصل الحادي عاشر*
سعيد.م تفكر الأم نتاعو والمرض نتاع باه، وتفكر كذلك رؤوف علوان!
*الفصل الثاني عشر*
سعيد.م خيط بذلة الضابط و جربها ونور خافت، و المعلم طروان حذرو كالو رد البال راه صحافة والبوليس دايرين عليك حالة!
*الفصل الثالت عشر*
مشى سعيد.م عند المعلم طرزان للقهوة اوقالوا بلي المعلم بياضة راه جالس عندو هنا مشى سعيد مهران عند المعلم بياضة كيسولو على مكان عليس لكن المعلم بياضة قال ليه بلي مكيعرفش فين ولا كيسكن عليش
*الفصل الرابع عشر*
وقعت الجريمة الثانية؛ حيث بغا سعيد مهران يقتل رؤوف علوان و صدق ماقتلوش وقتل البواب بالخطأ!
-لامظاهر الفشل فهاد الفصل:
فشل سعيد.م في قتل رؤوف علوان، حيث قتل البواب عن طريق الخطأ!
*الفصل الخامس عشر*
مشى يتخبع عند نور عاوت، وعرفت بلي فشل للمرة الثانية في قتل رؤوف.ع وبلي قتل البواب!
*الفصل السادس عشر*
فهاد الفصل ختفت نور ومابقى سعيد سمع عليها حتى خبار، ماكانش يلقى لي يوجدلو ما ياكل..هذا علاش قرر يمشي عند المعلم طرزان باش ياكل!
*الفصل السابع عشر*
سعيد.م بغا يمشي عند شيخ الجنيدي، لكن تعقد عليه الأمر، و نسى البذلة نتاعو فمنزل نور!
*الفصل الثامن عشر*
سعيد مهران فشل في استرجاع البذلة نتاعو، ولقى البوليس محاصرينوا من كل جهة وطريق..ولقاو عليه القبض...وهكا كتكون سالت الحكاية😃
👇👇👇👇👇👇👇👇👇👇👇👇👇👇
حاول من بعد ماقريتي الفصول بالدارجة، عاود كتبهم باللغة العربية فشي ورقة منظمة وعقل عليهم😊
