احصل على 15/20 وأكثر في امتحان اللغة الإنجليزية الوطني للثانية بكالوريا بخطوات سهلة!
مقدمة
امتحان اللغة الإنجليزية في الامتحان الوطني للثانية بكالوريا كيشكل واحد الفرصة باش يبرز التلميذ قدراتو فالفهم والكتابة. وهاد المادة كتبقى مهمة لأنها كتدخل فالمعامل العام، وكتطلب شوية ديال التركيز والاستعداد المسبق. فهاد المقال غادي نعطيك نصائح عملية وفعالة باش تتعامل مع الامتحان بشكل مزيان وتربح النقاط.
1. فهم مكونات الامتحان
أول حاجة خاصك تعرف البنية ديال ورقة الامتحان:
- Reading Comprehension (الفهم): فيه واحد النص، ومن بعد أسئلة كتقيس الفهم ديالك للنص، سواء Vocabulary، أو True/False، أو Answer the questions.
- Language (اللغة): كيشمل تمارين حول قواعد اللغة بحال Tenses، Passive Voice، Reported Speech، Functions، وVocabulary.
- Writing (الإنشاء): فيه سؤال إنشائي كيطلب منك تكتب رسالة، رأي، مقال، اقتراح... حسب المطلوب.
2. طريقة التعامل مع كل جزء
أولا: الفهم (Reading Comprehension)
- اقرأ النص بسرعة (Skimming) باش تاخذ فكرة عامة عليه.
- رجع للأسئلة وقراها مزيان باش تعرف شنو خاصك تبحث عليه.
- رجع للنص وقلب على الأجوبة (Scanning).
- جاوب على الأسئلة بالأسلوب ديالك، وتجنب النسخ الحرفي.
ثانيا: قواعد اللغة (Language)
- راجع القواعد المهمة اللي كيتكرروا بزاف، بحال الأزمنة، المبني للمجهول، الخطاب غير المباشر، أدوات الربط...
- حاول تكتب جمل صحيحة لغويا، وركز على اختيار الكلمة المناسبة فالسياق.
- استعد للوظائف التواصلية (Functions) بحال: Giving advice / Expressing opinion / Making a complaint...
ثالثا: التعبير الكتابي (Writing)
- قسم الموضوع ديالك لـ 3 فقرات:
- Introduction (المقدمة)
- Body (العرض)
- Conclusion (الخاتمة)
- استعمل كلمات ربط بحال: Firstly, In addition, However, As a result...
- استعمل Vocabulary سهل وواضح، وتجنب الأخطاء النحوية.
- حاول تجاوب على الموضوع المطلوب فقط، وماتخرجش عليه.
واش كتخاف من امتحان اللغة الإنجليزية؟ كتقول ما غاديش نقدر نجيب فيها نقطة مزيانة؟ رجّع الثقة فراسك، وخليك معانا فهاد الفيديو التحفيزي لي غادي يوريك كيفاش تتعامل مع امتحان الإنجليزية بسهولة وبذكاء! غادي تكتشف خطوات بسيطة وفعّالة، وتجارب حقيقية ديال تلاميذ دارو نفس الشيء ونجحو. ماشي ضروري تكون مميز فهاد المادة، ولكن بالإرادة والمثابرة، كلشي ممكن! تابع الفيديو للنهاية، وخذ أول خطوة نحو التفوق!
- قرأ التعليمات مزيان وخد وقتك قبل ما تجاوب.
- قسم الوقت ديالك: خدم كل جزء فالوقت المناسب، وخلي 10 دقايق باش تراجع.
- كتب بخط واضح ومنظم.
- بقا هادئ وثق فراسك، راه الامتحان ماشي صعب غير خاصو تنظيم وتركيز.
خاتمة
امتحان اللغة الإنجليزية فالباك ماشي صعيب، وكيعتمد بالأساس على الاستعداد المسبق، وتنظيم الوقت، وفهم المطلوب. إذا تبعت هاد النصائح، وعملت تداريب كافية قبل الامتحان، غادي تضمن نقطة مزيانة. المهم هو أنك تخدم بذكاء، ماشي بكثرة الحفظ، وتركز على الفهم والممارسة.
رسالة أمل لكل من يعاني من صعوبة في الإنجليزية
واخا تحس راسك ضعيف فمادة اللغة الإنجليزية، راه ماشي مستحيل تحقق نقطة مزيانة فيها، غير خاصك تعرف منين تبدا وكيفاش تخدم. السر اللي غادي نشارك معاك اليوم، هو الاشتغال على الامتحانات الوطنية السابقة. علاش؟ حيت نمط الامتحان كيتعاود تقريبا بنفس الطريقة، وهادشي عن تجربة حقيقية.
كانت عندنا تلميذة ما كتفهم والو فهاد المادة، وكانت كتكرهها كرها شديداً، ولكن بدل ما تستسلم، قررت تجرب طريقة بسيطة ولكن فعّالة: بقات كتراجع القواعد، وكتدير امتحانات وطنية سابقة مع التصحيح ديالها. كل مرة كتسال الامتحان، كتقلب على الأخطاء ديالها وتفهم فين الخلل، وكتحاول تصلحو.
استمرات على هاد الطريق، ومع شوية ديال الإرادة والتحدي، وصلات نهار الامتحان الوطني، وكانت المفاجأة: حصلات على 13/20!
تصور؟ من كراهية المادة لواحدة من أحسن النقاط! وهادشي غير بالدراسة الذكية والمثابرة.
لهذا، متخليش الإحباط يوقفك خدم راجع وآمن براسك، لأن النجاح كيتطلب خطوة شجاعة والباقي كيتبنى بالاستمرار. تقدر تكون نتي انت القصة القادمة ديال النجاح!
نتمنى ليكم كامل التوفيق والتميز!
