شرح درس الصين قوة اقتصادية صاعدة بالدارجة المغربية شرح رائع
تلاميذنا الأعزاء سعداء جدا بلقائكم في شرح درس جديد في مادة الإجتماعيات ، درسنا اليوم بإذن الله سيكون حول الصين قوة اقتصادية صاعدة ، وهذا الشرح بإذن الله سيكون مبسط ومشروح باللغة العربية وكذلك بالدارجة المغربية حتى يتسنى لكم فهم هذا الدرس بكل سهولة ويسر .
شرح درس الصين كقوة اقتصادية صاعدة
مقدمة:
عموما درس الصين كقوة اقتصادية غادي نناقشو فيه: مظاهر القوة الاقتصادية الصينية + عوامل المفسرة لهاد القوة + فالاخير انهضرو على المشاكل لي تتحد من هاد القوة الاقتصادية الصيني
*_1) مظاهر قوة الاقتصاد الصيني: ولي غادي ندرسوا فيها ثلاثة ديال القطاعات ليهم (مظاهر قوته على المستوى الفلاحي) و ( مظاهر قوته على المستوى الصناعي) و ( مظاهر قوته على المستوى التجاري )
اولا صغيرا: على المستوى الفلاحي:
الفلاحة الصينية عندها ضخامة نتاع اللانتاج، و الى شفنا فخريطة الصين غادي لقاو ان الجهة الشرقية لدولة الصين هي الجهة بين الجهات الثلاثة لوخرى (الشمال والجنوب والغرب) لي فيها الفلاحة الصينية بشكل كبير، والصين تتعتابر من اهم الدول لي تتساهم بنسبة كبير فالانتاج العالمي نتاع الحبوب بحال الارز و القمح والذرة، ومانساوش المزروعات الصناعية تاهي تتساهم بها بشكل كبير خصوصا القطن + قصب السكر اضافة لواحد الحاجة فالمزروعات الصناعية لي تتميز بها الصين انها تنتج النباتا الزيتية وتتصدرها للعالم بنسب لي كبيرة، عاد زيد عليها الخضرة(زعمة خيزو وبطاطا والمرعة وزيد وزيد عههه) .. وكما ان امريكا تتوفر على قطيع مهم من المواشي حتى لالة الصين عندها غنيماتها وخنزير ديالها والبقر ديالها.
بالحق فين تتواجد الفلاحة الصينية بكثرة واش فالجنوب ولا الشمال والشرق ولا المغرب هادشي لي انشوفو دابا لتحت اجي اجي تعرف فين↓↓
الفلاحة الصينية موجود بكثرة فالواجهة الشرقية نتاع دول الصين(بمعنى جات فالشرق) مافعهمتيش فين(بمعنى حط خريط د صين حداك وعلى جهة ليمن ديالك هاديك هي الجهة الشرقية هه) .. هاد الجهة الشرقية تتقسم لجوج بلايص لي هي:
الصين الشمالية: الشمال نتاع الصين فيه بزاف المنتوجات الحبوبية بحال(القمح والذرة) ومانساوش (الصوجا) لي هي من المزروعات الصناعية.
كاينة الصين الجنوبية: بمعنى الحنوب نتاع الصين، وفيه بزاف الزروعات بحال الارز والقطن قصب السكر والشاي، مهمة مخلط الجنوب مابين الحبوب والمرزوعات الصناعية، وهاد المزورعات لي فالجنوب تتسمى بالمزروعات المدارية.
هنا غادي تقول لي والغرب نتاع الصين شنو تيدير غي تيعلف ولا هههه ؟
لا لا الغرب الصيني فيه داكشي نتااع الرعي التقليدي(بحال ديكشي نتاع تسرح الغنم والبقر) غي هما تيسرحو حتى الخنزير.. وكاينين حتى الواحات فالغرب الصيني.
وبالتالي من مظاهر قوة الصين الاقتصادية على المستوى الفلاحي انها عندها تنوع زراعي والانتاج ديالو بحال الارز والقمح والصوجا + عندها تنوع حيواني بحال الخنزير والبقر والاغنام + ان عندها نسبة كبيرة من القمح كااااافيها واخا ضرب بها حتى 10 هه بمعنى كافيها لمدة اطول ههه + مانساوش احتلالها لمناطق جد متقدمة فبزاف نتاع المنتوجات ، وهادشي كامل وغيرها هو مظاهر قوة الاقتصاد الصيني على المستوى الفللاحي
دابا سالينا على المستوى الفلاحي، اجيو نشوفو على المستوى الصناعي كيف يساهم في قوة الاقتصاد الصيني
ثانيا صغيرا: على المستوى الصناعي:
الى جينا نهضر على الصين صناعاغادي لقاوها فمرتبة متقدمة فالعالم، حيث غي 10 سنين الاخيرة ومنذ 2010 احتلت الصين المرتبة الثاية على مشتوى العالم كقوة صناعية ظهرت واثبتت نفسها. اجي نشوفو الصين شنو دارت صناعيا:
الصين على المستوى الصناعي تتساهم بحصص ونسب لي هي كبيرة فالانتاج العالمي في جانب الصناعات الاساسية، بحال صناعة الصلب والالمنيوم + الصناعات لي هي تجهيزية واستهلاكية بحال الالعاب و النسيج + الاحذية.. هاد الصناعات الاساسية والاستهلاكية والتجهيزية تتساهم الصين بنسبة كبيرة من الانتاج العالمي... وهادشي خلى الصين تعرف واحد تطور اخور فجانب اخر نتاع الصناعاتا العالية التكنولوجيا وولات رائدة فضناعة الالكتورنيات وكل مايتعلق بالصناعة المعلوماتية + معدات لي تتساعد على غزو الفضاء، هادشي تيخلينا نشوفو ان الصين قريبة امريكا فجانب الصناعة ولي خلاهم يوليو قوى اقتصادية كبيرة وعظمى على مستوى العالم.
هنا غادي تسولني عاود فين تتمركز هادالصناعة الصينية .. بمعنى اهم المناطق المعروفة صناعيا فالصين ؟!
الجواب: ان المناطق الصناعية كاينة فالغالب فالواجهة الساحلية الشرقية.. ولي فيها منذ لي هي مهمة وكبيرة فمجال الصناعة بحال مدن(بكين وشنغهاي وشانغ يون) هادو هما اهم المناطق الصناعية لي فالصين ولي كما قلنا كاينة فالشرق نتاع الصين على الساحل.
وبالتالي من مظاهر قوة الصين الاقتصادية على المستوى الصناعي ان عندها تنوع نتاع الصناعات بحال الصلب والنسيج والالكترونيك + الصين تعتبر قوة لي كبيرة ومتقدمة فالصناعات الفضائية والالكترونية و المعلوماتية + ان الصادرات الصينية تكون فيها للمنتوجات الصناعية حصة كبيرة(مافهمتيش .. بمعنى ان الصين منين تتصدر شي منتوجات، نسبة 90 فالمئة من هاد الصادرات تتكون عندها علاقة بالمنتوجات الصناعية .. و10فالمئة لي بقات من الصادرات تتكون مغلطة مابين المنتوجات الفلاحية وقطاع التجارة)
دابا سالينا على المستوى الفلاحي، و المستوى الصناعي ، اجيو نشوفو قطاع التجارة وكيفاش تيساهم في قوة اقتصاد الصين.
ثالثا صغيرا: على مستوى قطاع التجارة:
اول حاجة انعرفوها فهاد القطاع ان الصين ولات قوة تجارية لي طالعة(صاعدة) ولي هي كبيرة على مستوى العالم .. هادشي القوة التجارية خلالها فائض كبير فالميزان التجاري الخاص بها - اي الصين - .. حيث عرفات مؤخرا فعشر سنين الاخيرة عرفات الصين واحد الارتفاع فالصادرات نتاعها، وتضاعفات صادرات نتاعها شحال من مرة... اضافة الى ان الصين على المستوى التجاري عندها علاقة دولية وتتعامل مع جميع دول العالم بحال اليابان فاسيا وباقي البلدان لي فهاد القارة الاسيوية، والولايات المتحدة الامريكية على مستوى القارة الامريكية سواء الشمالية او الجنوبية ، ومانساوش دول اروبا تاهي عندها علاقة معاهم.
وبالتالي من مظاهر قوة الصين الاقتصادية على المستوى التجاري انها حققات فائض كبير على مستوى الميزان التجاري نتاعها + عندها علاقات مع دول العالم + المستثمرين الاجانب ولاو تيستثمروا فالصين، وبالنسبة الاستثمارات الاجنببة رتافعات..الخ
الى هنا نصل لنهاية مظاهر قوة الاقتصاد الصيني لي هضرنا فيه على المستوى الفلاحي والصناعي والتجاري .. دبا غادي ندوزو باش نهضرو على العوامل والتحديات باش نكملوا الدرس إن شاء الله==
من بعد ما هضرنا على مظاهر قوة الاقتصاد الصيني، دبا غادي نهدرو على العوامل المفسرة لقوة اقتصاد الصين مع تحديات ومشاكل التي تواجهها الصين ..
_2) العوامل المفسرة لقوة الصين الاقتصادية.
قوة الفلاحة الصينية تتحكم فيها بزاف نتاع العوامل منها: (عوامل طبيعية ملائمة | عوامل بشرية وتقنية | عوامل تنظيمية ) هادو هما العوامل لي تيحكموا فالفلاحة الصينية، وغادي نهضرو على كل وحدة بوحدها.
1) اجيوا نشوفو العوامل الطبيعية كيفاش تتساهم فقوة الفلاحة الصينية:
كما قلنا البارح ان الفلاحة الصينية كاينة فجهة الشرقية (حط خريطة الصين حداك وعلى ليمن ديالك هاداك هو شرق الصين الى ماعرفتيهش هه)؛ وقلنا انه ينقسم الى الصين الشمالية لي تيعني جهة شرق الصين من الفوق، وهاد الصين الشمالية فيها جوج سهول لي هما سهل منشوريا لي فيه اخطب منطقة فلاحية فالصين كاملة، بمعنى المنطقة لي فيها التربة صالحة للزراعة، وكاين عاود السهل الكبير وحتى هو فيه ارض وتربة لي فيها مواد عضوية لي تتسمح للصين باش تزرع فيها .. مانساوش الهضاب لي كاينة لداخل، وهاد المنطفة فيها مناخ لي مزيان ماسخون مارطب ما بترد، مهم هو جو معتدل مابين بارد وسخون، ولي تيسمح لينا نديرو الزراعات لي بغينا.. هادشي كاين فالصين الشمالية الشرقية، ولكن شنو كاين فالصين الجنوببة هادشي لي انشوف لتحت اجي اجي↓↓
- الصين الجنوبية(بمعنى الشرق نتاع الصين من لتحت) وهاد الجهة فيها بزاف نتاع تضاريس منها هضاب ومنها سهول ومنها تلال مهم هاد الشرق الجنوبي نتاع الصين فيها تنوع ديال التضاريس. والمناخ نتاع هاد الجهة هو مناخ مخلط ماببن مداري وشبه مداري (فالاخير غادي نشرحوا لكم مناخ مداري وشبه مداري اش تيعني).
2) من بعد العوامل الطبيعية.. تتجي العوامل البشرية والتقنية، اجيو نشوفو كيفاش تتساهم فقوة الفلاحة الصينية:
كما تنعرفوا كاملين ان الصين فيها اعلى نسبة كثافة نتاع السكان، حيث غي فسنة 2014 وصل لميار 366 مليون نسمة، (اواااااه بزاف هادشي).. وهاد النسبة وصلات لها الصين حيث غي لي جا يولد .. هاد نسبة نتاع السكان الصين اتولي عندها يد عاملة بزااااف ومانساوش اتولي عندها نسبة سوق استهلاكية كبير(بمعنى الطلب نتاع ناس على الطحين والزرع والروز والسكر ايكون بزايد وعليها الصين بدات تتنتج نسب كبيرة فجانب الفلاحة)..هذا من الجانب البشري وكيفاس ساهم فقوة الفلاحة الصينية، اما فاللجانب التقني كيفاش ساهم فقوة هاد الفلاحةى الصينية؟ الجواب هو ان التطور العلمي من تطور وتقدم ولات الفلاحة الصينية تتعتامد على التقنيات والاساليب لي هي جديدة وحديثة باش تنتج نسب كبيرة فوقت قصير.
3) منين هضرنا على العوامل الطبيعية والعوامل البشرية والتقنية كيفاش ساهمات فقوة الفلاحة الصينية؛ دابا انهضروا على عوامل تنظيمية لي تاهي ساهمات فقووة الفلاحة الصينية، اجيو معايا تشوفو كيفاش ساهمات فقوتها:
دابا أجيو نشوفو العوامل المفسرة للقوة الصناعية الصينية ولي انهضرو عليها لتحت اجي معايا↓↓↓
* دابا انهضرو على العوامل لي تتفسر قوة الصناعة الصينية وحتى هي تتساهم عندها علاقة كببرة بعامل تنظيمي، وعلمي، وتقني وطبيعي وبشري، اذن نفس العوامل لي تتساهم فقوة الفلاحة الصينية تالقوها نفس العوامل لي تتساهم فقوة الصناعة الصينية، اجيو نشوفو كيفاش هادشي:
الدولة الصينية فالمرحلة نتاع البناء الاشتراكي(هاد البناء الاشتراكي من بعد انعرفوه ليكم شنو هو) كاع وسائل الانتاج منها المصانع دارتهم فيدها، بمعنى تم تأميم وسائل الانتاج (التأميم تنقصدوا به ان وسائل الانتاج دارتهم فيدها ولات هي لي تتحكم فيهم) ومنين ولات هي لي تتحكم فهاد وسائل الانتاج الصين ولات تتعطي اهمية للصناعات الاساسية و التجهيزية هادشي كان قبل مايدروا داك " المشي على قدمين " لي قلنا انه تيعني خلق توازن بين الفلاحة والصناعة، ... وباش الصين دغيا طلع سمعتها اقتصاديا شنو دارت؟ مشات ولات تتعم الصناعة على مستوى المدن نتاعها وحتى البوادي، وولات تتعتامد على البشر(بمعنى الطاقة البشرية) باش تبني السدود والشبكة المواصلات سواء جوا او برا او بحرا كيفما كانت هاد شبكة المواصلات.. ومن بعد فمرحلة الاصلاحات لي كان الهدف منها الانتفاح على العالم الراسمالي خلقات مؤسسات صناعية لي هي جماعية+ مؤسسات لي فيها اختلاط(اختلاط نتاع الصناعات) + ماتبقاش الدولة هي لي محتاكرة اي على الاقتصاد .. ومانساوش الهدف الاخر هو انهم يجيبو الاستثمارات اللاجنبية وعليها الصين خلقات مناطق لي هي حرة يمكن للمستثمر الاجنبي يدير فيها مشروع ديالو .. وهاد المناطق الحرة لي دارت من اجل الاستثمارات الاجنبية كانت تتعطي للمستثمر تسهيلات لي هي ادارية وعاد الاعفاء من الجمارك.
- اما فالجانب العلمي والتكنولوجي حتى هو ساهم فقوة الصناعة الصينية ، من خلال ان الصين كان عندها اهتمام كبير بنشر التعليم ويكون تيتماشى مع متطلبات العصر، ومانساوش باش طور البحث العلمي والتكنولوجية ولات تتخلص عليهم زبالة نتاع الفلوس .. وستاطعات الصين تخرج مجموعة من التقنيين والمهندسين من خلال تكوين ديالهم، ومانساوش حتى الصين من اجل انها تكون رائدة فالمجال التكنولوجي والبحث العلمي مشات تتشري الاختراعات الاجنبية وتكتبهم بسميتها..+ انفتاحها على العالم خلاها توقع بزاف نتاع الاتفاقيات وتبادل الخب ات مع دول العالم خصوصا الدول لي هي متقدمة.
- وباش مانساوش الصين قلنا بلي عندها كثافة سكانية لي هي كببرة وبالتالي المستهلك ايكون بزاف هادشي ساهم حتى هو فقوة الفلاحة الصينية، وهاد الانتاج الصناعي تيطيح على الصين رخيص بزااف.
- واحد القضية اخرى الصين عندها نسبة كبيرة تتساهم بها فالانتاج العالمي نتاع مصادر الطاقة بحال البترول، و الغاز الطبيعي وحتى المعادن تتساهم بهم بحال الحديد والرصاص و الزنك الفوسفاط.. هادشي حلاها تكون هي لولى فهاد الجانب نتاع التصدير ديال هاد المعادن ومصادر الطاقة.
يمكن شي حد غادي يسول على فين كاينين هاد المصادر الطاقية والمعادن فالدولة الصينية؟ انا غادي نجاوبك قرا لتحت:
الصين الشمالية والجنوبية فيها: مناجم نتا الفحم.
الغرب للصيني فيه: البترول والغاز وكاين حتى فالصين الشمالية وكاين حتى الحديد فهاد الغرب الصيني والصين الشمالية.
اما لي بقى من المعادن فهو مفرق على كاع الصين كل بلاصة من الصين فيه شي معدن(اش بان لكم نمشيو نطلعوا نحفروا لهم هه )
دابا سالينا مع العوامل المفسرة لقوة الصناعة الصينية
اجيو نشوفو اخر حاجة لي هي العوامل المفسرة لقوة التجارة الصينية لتحت اجي تعرف↓↓↓
* دابا انشوفو اخر حاجة فالعوامل، لي هي فقطاع التجارة اجيو نشوفو العوامل لي ساهمات فقوة التجار الخارجية نتاع الصين، ولي ساهمات فيها بزاف نتاع العوامل لي منها:
المصنوعات الصينية عندها واحد القدرة كبيرة تتنافس بها دول اخرى + تنوع نتاع هاد المصنوعات الصينية. كذلك ساهم ان الصين عندها موانئ كبيرة وعندها اسكول تجاري خاص بها لي كبيييييييير. اااه كببييييييييير، اضافة ان عندها كما قلنا اتفاقيات مع دول العالم بمعنى منفاتحة على العالم الراسمالي مانساوش الاستثمارات الاجنبية لي تتجي لصين باش تفتح فيها مشارعها (ولكن حتى الصين عندها استثمارات على برا.. دايرة معاهم قضية نتاع عطيني نعطيك هههه) وكاين عاود عامل لي هو مهم ان الصين عندها عضوية فالمنظمة العالمية للتجارة وحتى البنك الدولي وصندوق النقد الدولي، هاد المنظمات ساهموا فقوة التجار نتاع الصين وخلاها تكون قوة تجارية لي هي صاعدة.
إلى حد هنا تنكونو سالينا من العوامل المفسرة لقوة اقتصاد الصين على المستوىالفلاحي لي تتحكم فيه عوامل طببعية وعوامل بشرية وتقنية وعوامل تنظيمية+ المستوىالصناعي لي هو تتساهم فيه عوامل البحث العلمي والتكنولوجي وعوامل بشرية وتقنية وحتى طبيعية + المستوى نتاع التجارة لي مجموعة العوامل لي ذكرنا تتساهم فقوة التجارة الخارجية الصينية وتتخليها قوة تجارية لي صاعدة==
من بعد ماهضرنا عن مظاهر قوة اقتصاد الصين على المستوى الفلاحي والصناعي والتجاري أوهضرنا كذلك عن العوامل المفسرة لقوة اقتصاد الصين فالقطاع الفللاحي والصناعي والتجاري(ولقينا انها عوامل تنظيمية وطبيعية وبشرية وتقنية وعلمية وتكنولوجية)
دبا غادي نهدرو اخر فقرة فيه لي هي :↓↓↓
* الصين تعتبر قوة اقتصادية كبير فالعالم بحال كما فرنسا والولايات المتحدة الامريكية... و الصين عرفت مؤخرا فالسنوات الاخيرة واحد تطور لي هو كبير على المستوى الاقتصادي هادشي ديال التطور لي عرفاتو خلاها تحتل مراتب جد متقدمة سواء على مستوى الفلاحة او الصناعة وحتى على مستوى التجارة لي اصبحت فيها الصين صاعدة(بمعنى مجال التجارة)أو واخا هاد التطور لي عرفاتو الصين ولي خلاه تولي قوة اقتصادية كبرى فالعالم، رغم هادشي الصين تتواجه بزاف نتاع المشاكل لي تتحد وتنقص من القوة الاقتصادية ديالها.
عموما درس الصين كقوة اقتصادية غادي نناقشو فيه: مظاهر القوة الاقتصادية الصينية + عوامل المفسرة لهاد القوة + فالاخير انهضرو على المشاكل لي تتحد من هاد القوة الاقتصادية الصيني1) مظاهر قوة الاقتصاد الصيني: ولي غادي ندرسوا فيها ثلاثة ديال القطاعات ليهم (مظاهر قوته على المستوى الفلاحي) و ( مظاهر قوته على المستوى الصناعي) و ( مظاهر قوته على المستوى التجاري )
اولا صغيرا: على المستوى الفلاحي:
* الفلاحة الصينية عندها ضخامة نتاع اللانتاج، و الى شفنا فخريطة الصين غادي لقاو ان الجهة الشرقية لدولة الصين هي الجهة بين الجهات الثلاثة لوخرى (الشمال والجنوب والغرب) لي فيها الفلاحة الصينية بشكل كبير، والصين تتعتابر من اهم الدول لي تتساهم بنسبة كبير فالانتاج العالمي نتاع الحبوب بحال الارز و القمح والذرة، ومانساوش المزروعات الصناعية تاهي تتساهم بها بشكل كبير خصوصا القطن + قصب السكر اضافة لواحد الحاجة فالمزروعات الصناعية لي تتميز بها الصين انها تنتج النباتا الزيتية وتتصدرها للعالم بنسب لي كبيرة، عاد زيد عليها الخضرة(زعمة خيزو وبطاطا والمرعة وزيد وزيد عههه) .. وكما ان امريكا تتوفر على قطيع مهم من المواشي حتى لالة الصين عندها غنيماتها وخنزير ديالها والبقر ديالها.
بالحق فين تتواجد الفلاحة الصينية بكثرة واش فالجنوب ولا الشمال والشرق ولا المغرب هادشي لي انشوفو دابا لتحت اجي اجي تعرف فين↓↓
الفلاحة الصينية موجود بكثرة فالواجهة الشرقية نتاع دول الصين(بمعنى جات فالشرق) مافعهمتيش فين(بمعنى حط خريط د صين حداك وعلى جهة ليمن ديالك هاديك هي الجهة الشرقية هه) .. هاد الجهة الشرقية تتقسم لجوج بلايص لي هي:
الصين الشمالية: الشمال نتاع الصين فيه بزاف المنتوجات الحبوبية بحال(القمح والذرة) ومانساوش (الصوجا) لي هي من المزروعات الصناعية.
كاينة الصين الجنوبية: بمعنى الحنوب نتاع الصين، وفيه بزاف الزروعات بحال الارز والقطن قصب السكر والشاي، مهمة مخلط الجنوب مابين الحبوب والمرزوعات الصناعية، وهاد المزورعات لي فالجنوب تتسمى بالمزروعات المدارية.
هنا غادي تقول لي والغرب نتاع الصين شنو تيدير غي تيعلف ولا هههه ؟
لا لا الغرب الصيني فيه داكشي نتااع الرعي التقليدي(بحال ديكشي نتاع تسرح الغنم والبقر) غي هما تيسرحو حتى الخنزير.. وكاينين حتى الواحات فالغرب الصيني.
وبالتالي من مظاهر قوة الصين الاقتصادية على المستوى الفلاحي انها عندها تنوع زراعي والانتاج ديالو بحال الارز والقمح والصوجا + عندها تنوع حيواني بحال الخنزير والبقر والاغنام + ان عندها نسبة كبيرة من القمح كااااافيها واخا ضرب بها حتى 10 هه بمعنى كافيها لمدة اطول ههه + مانساوش احتلالها لمناطق جد متقدمة فبزاف نتاع المنتوجات ، وهادشي كامل وغيرها هو مظاهر قوة الاقتصاد الصيني على المستوى الفللاحي
دابا سالينا على المستوى الفلاحي، اجيو نشوفو على المستوى الصناعي
كيف يساهم في قوة الاقتصاد الصيني ؟
دابا سالينا على المستوى الفلاحي، و المستوى الصناعي ، اجيو نشوفو قطاع التجارة وكيفاش تيساهم في قوة اقتصاد الصين.
ثالثا صغيرا: على مستوى قطاع التجارة:
_2) العوامل المفسرة لقوة الصين الاقتصادية.
قوة الفلاحة الصينية تتحكم فيها بزاف نتاع العوامل منها: (عوامل طبيعية ملائمة | عوامل بشرية وتقنية | عوامل تنظيمية ) هادو هما العوامل لي تيحكموا فالفلاحة الصينية، وغادي نهضرو على كل وحدة بوحدها.
3) منين هضرنا على العوامل الطبيعية والعوامل البشرية والتقنية كيفاش ساهمات فقوة الفلاحة الصينية؛ دابا انهضروا على عوامل تنظيمية لي تاهي ساهمات فقووة الفلاحة الصينية، اجيو معايا تشوفو كيفاش ساهمات فقوتها:
* دولة الصين باش دارت اجراءات لي هي تنظيمية نظمات الفلاحة نتاعها، من خلال مجوعة من التعاونيات لي خلقاتها وهاد التعاونيات تسماو ب " الكومونات الشعبية " (لفالاخير انحطوا لكم نتاع الكومونات الشعبية ) .. من بعد خلقات توازن بين الفلاحة والصناعة وسماتو ب " المشي على قدمين " .. ولكن هاد التعاونيات او الكومونات الشعبية لغاتهم مابغاوش وكان هادشي فالفترة نتاع الاصلاحات ديال الصين والانفتاح على الراسمالية العالمية بداية من سنة1978 لحد الساعة الصين مابقاتش تتعامل بالتعاونيات،.. غادي تقول لي شنو جا فعاوطهم؟ انجاوبك ولاو عندهم مستغلات عائلية عوض التعاونيات ..(وباش مانساش هاد الاجراءات التنظيمية لي دارت الصين على حسب تنظيم الفلاحة كانت فمرحلة نتاع البناء الاشتراكي لي كان متزعموا ماوتسي تونغ وبالضبط سنة 1949 الى 1976 .
دابا سالينا من العوامل المفسرة لقوة الصين الفلاحية لي كانت عوامل طبيعية وعوامل بشرية وتقنية وعوامل تنظيمية لي اشرنا اليها الفوق↑↑↑↑)
دابا أجيو نشوفو العوامل المفسرة للقوة الصناعية الصينية ولي انهضرو عليها لتحت اجي معايا↓↓↓
* دابا انهضرو على العوامل لي تتفسر قوة الصناعة الصينية وحتى هي تتساهم عندها علاقة كببرة بعامل تنظيمي، وعلمي، وتقني وطبيعي وبشري، اذن نفس العوامل لي تتساهم فقوة الفلاحة الصينية تالقوها نفس العوامل لي تتساهم فقوة الصناعة الصينية، اجيو نشوفو كيفاش هادشي:
الدولة الصينية فالمرحلة نتاع البناء الاشتراكي(هاد البناء الاشتراكي من بعد انعرفوه ليكم شنو هو) كاع وسائل الانتاج منها المصانع دارتهم فيدها، بمعنى تم تأميم وسائل الانتاج (التأميم تنقصدوا به ان وسائل الانتاج دارتهم فيدها ولات هي لي تتحكم فيهم) ومنين ولات هي لي تتحكم فهاد وسائل الانتاج الصين ولات تتعطي اهمية للصناعات الاساسية و التجهيزية هادشي كان قبل مايدروا داك " المشي على قدمين " لي قلنا انه تيعني خلق توازن بين الفلاحة والصناعة، ... وباش الصين دغيا طلع سمعتها اقتصاديا شنو دارت؟ مشات ولات تتعم الصناعة على مستوى المدن نتاعها وحتى البوادي، وولات تتعتامد على البشر(بمعنى الطاقة البشرية) باش تبني السدود والشبكة المواصلات سواء جوا او برا او بحرا كيفما كانت هاد شبكة المواصلات.. ومن بعد فمرحلة الاصلاحات لي كان الهدف منها الانتفاح على العالم الراسمالي خلقات مؤسسات صناعية لي هي جماعية+ مؤسسات لي فيها اختلاط(اختلاط نتاع الصناعات) + ماتبقاش الدولة هي لي محتاكرة اي على الاقتصاد .. ومانساوش الهدف الاخر هو انهم يجيبو الاستثمارات اللاجنبية وعليها الصين خلقات مناطق لي هي حرة يمكن للمستثمر الاجنبي يدير فيها مشروع ديالو .. وهاد المناطق الحرة لي دارت من اجل الاستثمارات الاجنبية كانت تتعطي للمستثمر تسهيلات لي هي ادارية وعاد الاعفاء من الجمارك.
- اما فالجانب العلمي والتكنولوجي حتى هو ساهم فقوة الصناعة الصينية ، من خلال ان الصين كان عندها اهتمام كبير بنشر التعليم ويكون تيتماشى مع متطلبات العصر، ومانساوش باش طور البحث العلمي والتكنولوجية ولات تتخلص عليهم زبالة نتاع الفلوس .. وستاطعات الصين تخرج مجموعة من التقنيين والمهندسين من خلال تكوين ديالهم، ومانساوش حتى الصين من اجل انها تكون رائدة فالمجال التكنولوجي والبحث العلمي مشات تتشري الاختراعات الاجنبية وتكتبهم بسميتها..+ انفتاحها على العالم خلاها توقع بزاف نتاع الاتفاقيات وتبادل الخب ات مع دول العالم خصوصا الدول لي هي متقدمة.
- وباش مانساوش الصين قلنا بلي عندها كثافة سكانية لي هي كببرة وبالتالي المستهلك ايكون بزاف هادشي ساهم حتى هو فقوة الفلاحة الصينية، وهاد الانتاج الصناعي تيطيح على الصين رخيص بزااف.
- واحد القضية اخرى الصين عندها نسبة كبيرة تتساهم بها فالانتاج العالمي نتاع مصادر الطاقة بحال البترول، و الغاز الطبيعي وحتى المعادن تتساهم بهم بحال الحديد والرصاص و الزنك الفوسفاط.. هادشي حلاها تكون هي لولى فهاد الجانب نتاع التصدير ديال هاد المعادن ومصادر الطاقة.
يمكن شي حد غادي يسول على فين كاينين هاد المصادر الطاقية والمعادن فالدولة الصينية؟ انا غادي نجاوبك قرا لتحت:
الصين الشمالية والجنوبية فيها: مناجم نتا الفحم.
الغرب للصيني فيه: البترول والغاز وكاين حتى فالصين الشمالية وكاين حتى الحديد فهاد الغرب الصيني والصين الشمالية.
اما لي بقى من المعادن فهو مفرق على كاع الصين كل بلاصة من الصين فيه شي معدن(اش بان لكم نمشيو نطلعوا نحفروا لهم هه )
دابا سالينا مع العوامل المفسرة لقوة الصناعة الصينية
[ اجيو نشوفو اخر حاجة لي هي العوامل المفسرة لقوة التجارة الصينية لتحت اجي تعرف↓↓↓
* دابا انشوفو اخر حاجة فالعوامل، لي هي فقطاع التجارة اجيو نشوفو العوامل لي ساهمات فقوة التجار الخارجية نتاع الصين، ولي ساهمات فيها بزاف نتاع العوامل لي منها:
المصنوعات الصينية عندها واحد القدرة كبيرة تتنافس بها دول اخرى + تنوع نتاع هاد المصنوعات الصينية. كذلك ساهم ان الصين عندها موانئ كبيرة وعندها اسكول تجاري خاص بها لي كبيييييييير. اااه كببييييييييير، اضافة ان عندها كما قلنا اتفاقيات مع دول العالم بمعنى منفاتحة على العالم الراسمالي مانساوش الاستثمارات الاجنبية لي تتجي لصين باش تفتح فيها مشارعها (ولكن حتى الصين عندها استثمارات على برا.. دايرة معاهم قضية نتاع عطيني نعطيك هههه) وكاين عاود عامل لي هو مهم ان الصين عندها عضوية فالمنظمة العالمية للتجارة وحتى البنك الدولي وصندوق النقد الدولي، هاد المنظمات ساهموا فقوة التجار نتاع الصين وخلاها تكون قوة تجارية لي هي صاعدة.
إلى حد هنا تنكونو سالينا من العوامل المفسرة لقوة اقتصاد الصين على المستوىالفلاحي لي تتحكم فيه عوامل طببعية وعوامل بشرية وتقنية وعوامل تنظيمية+ المستوىالصناعي لي هو تتساهم فيه عوامل البحث العلمي والتكنولوجي وعوامل بشرية وتقنية وحتى طبيعية + المستوى نتاع التجارة لي مجموعة العوامل لي ذكرنا تتساهم فقوة التجارة الخارجية الصينية وتتخليها قوة تجارية لي صاعدة==
من بعد ماهضرنا عن مظاهر قوة اقتصاد الصين على المستوى الفلاحي والصناعي والتجاري أوهضرنا كذلك عن العوامل المفسرة لقوة اقتصاد الصين فالقطاع الفللاحي والصناعي والتجاري(ولقينا انها عوامل تنظيمية وطبيعية وبشرية وتقنية وعلمية وتكنولوجية)
دبا غادي نهدرو اخر فقرة فيه لي هي :↓↓↓
*_المشاكل والتحديات التي تعترض الصين:*
لي هي هاد المشاكل تتمحور فهاد 4 ديال *تحديات اقتصادية* ؛ *تباينات مجالية* ؛ *مشاكل ديموغرافية واجتماعية* ؛ اكراهات طبيعية وبيئية .. هادو بربعة غادي نهضرو عليهم لتحت ↓↓ اجي تفهم:
*1) تحديات اقتصادية↓:
- كما تنعرفوا الصين منفاتحة على العالم من بعد الاصلاحات الجديدة؛ وولات تتعامل مع الدول المتقدمة.. ولكن هاد الدول المتقدمة تتفرض بزاف ديال الشروط على منتوجات نتاع الصين، ومانساوش لي قلنا البارح فعوامل قوة الصناعة الصينية ذكرنا ضعب الانتاج والاستهلاك الكبير نتاع الطاقة باش تنتج هادشي فنفس الوقت مشكل عند الصين تتواجهو.. بمعنى ان الصين عندها علاقة بالسوق الخارجية، لي هاد السوق تتجيب منها المواد الاولية (بحال المعادن ومصادر الطاقة) ولكن تتلقى نسبة كبيرة من الاستهلاك بحكم كثافة السكان الصينية هادشي تيخليه تصنع بزاف.
2) تباينات مجالية↓:
- كما ذكرنا من قبل اغلب الفلاحة الصينية وحتى الصناعة فين كاين؟؟؟ ماعرفتيش(ماشي مشكل انا نقولك) اسيدي كاينة فالواجهة الشرقية نتاع الصين.. هادشي لي تيخلي هاد الواجهة الشرقية تتعرف واحد الاختلاف كبير على الواجهة الغربية(الغرب الصيني.. ماعرفتيش فين جا .. ساهلىة، حط خريطة ديال الصين قدامك على ليسر ديالك هاداك هو الغرب الصيني)؛ الواجهة الشرقية زاييدة الزيت ههع على الواجهة الغربية، حيث فالواجهة الشرقية كاينة ظروف طبيعية لي هي مناسبة وحتى الكثافة السكانية والنشاط نتاع الاقتصاد فهاد الجهة الشرقية فين كاين.. على عكس الغرب الصيني لي مسكين فيه ظروف طبيعية لي هي ناقصة وقاسحة، وحتى الكثافة السكانية مافيهش بزااف، هادشي لي تيخلي النشاط الاقتصاد طايح وناقص فالغرب الصيني.. ومانساوش التوازن الاقتصادي والاجتماعي بين المدن والارياف (العروبيات زعمة هه ) تالقاو ناس العروبية نتاع الصيز عندهم ضعف فالمستوى المعيشي نتاعهم.
