شرح مفهوم الشخص من مجزوءة الوضع البشري بكل محاوره بالدارجة المغربية
 |
| شرح مفهوم الشخص من مجزوءة الوضع البشري بكل محاوره بالدارجة المغربية |
هذا شرح مبسط للفلسفة غادي نجمع فيه جميع المفاهيم بالدارجة باش تفهمو مزيان هده المادة وضمنوا فيها النقطة.
غادي نبداو بمجزوءة الوضع البشري
المجزوءة الأولى:شرح ﻣﺠﺰﻭﺀﺓ ﺍﻟﻮﺿﻊ ﺍﻟﺒﺸﺮﻱ بالدارجة المغربية
المحور1 الشخص والهوية
المحور2- الشخص بوصفه قيمة
المحور 3-الشخص بين الضرورة والحرية
غادي نبداو معا أول محور الذي هو الشخص والهوية.
ﺍﻟﻤﺤﻮﺭ ﺍﻷﻭﻝ : ﺍﻟﺸﺨﺺ ﻭﺍﻟﻬﻮﻳﺔ
غتدي نبداو بأول محور في هذا المفهوم لهوا محور الشخص والهوية.
'' ﺩﺍﺑﺎ ﻧﺘﺎ ﻭﻻ ﺃﻱ ﻭﺍﺣﺪ ﺍﻳﻼ ﻭﺭﻳﻨﺎﻩ ﺻﻮﺭﺓ ﺩﻳﺎﻟﻮ ﻓﺎﺵ ﻛﺎﻥ ﺻﻐﻴﺮ ﻓﺎﻟﺒﻼﺻﺔ ﻏﻴﻌﺮﻑ ﺑﻠﻲ ﺭﺍﻩ ﻫﻮ ﻫﺪﺍﻙ ﻳﻌﻨﻲ ﺍﻟﻬﻮﻳﺔ ﺩﻳﺎﻟﻮ ﻧﻔﺴﻬﺎ . ﻭﻟﻜﻦ ﺍﻳﻼ ﺧﺬﻳﻨﺎ ﺷﺨﺺ ﻓﻲ ﺣﺎﻟﺔ ﺳﻜﺮ ﺍﻭﻻ ﺷﻲ ﺣﺪ ﻭﺍﺧﺬ ﺷﻲ ﺿﺮﺑﺔ ﻋﻠﻰ ﺭﺍﺳﻮ ﻫﻮ ﻣﻐﻴﺘﻔﻜﺮﺵ ﺍﻟﻬﻮﻳﺔ ﺩﻳﺎﻟﻮ ﻓﺎﻻﻭﻝ ﻭﻳﻤﻜﻦ ﻳﻜﻮﻥ ﻋﻨﺪﻭ ﻫﻮﻳﺔ ﺍﺧﺮﻯ ﺑﻌﺪ ﺍﻟﺤﺎﺩﺛﺔ "
- ﻣﺎ ﻫﻮ ﺃﺳﺎﺱ ﻫﻮﻳﺔ ﺍﻟﺸﺨﺺ ؟
- ﻛﻴﻒ ﺗﺘﺤﺪﺩ ﻫﻮﻳﺔ ﺍﻟﺸﺨﺺ؟
- ﻫﻞ ﻫﻮﻳﺔ ﺍﻟﺸﺨﺺ ﺛﺎﺑﺘﺔ ﺍﻡ ﻣﺘﻐﻴﺮﺓ؟
- ﻫﻞ ﻫﻮﻳﺔ ﺍﻟﺸﺨﺺ ﻣﻄﻠﻘﺔ ﺃﻡ ﻧﺴﺒﻴﺔ ؟
في هذا ﺍﻹﻃﺎﺭ ﻛﻨﻠﻘﺎﻭ ﺑﺰﺍﻑ ﺩﻳﺎﻝ ﺍﻟﻔﻼﺳﻔﺔ ﻫﺪﺭﻭ ﻓﻬﺎﺩ ﺍﻟﻤﻮﺿﻮﻉ :
-نبداو ﺩﻳﻜﺎﺭﺕ : ﺩﻳﻤﺎ ﻓﺎﺵ تفكروا ﺩﻳﻜﺎﺭﺕ ﺗﻔﻜﺮوا مقولته المشهورة " ﺍﻧﺎ ﺃﻓﻜﺮ ﺍﺫﻥ ﺃﻧﺎ ﻣﻮﺟﻮﺩ " ﺍﻧﻄﻼﻗﺎ ﻣﻦ ﻫﺎﺩ ﺍﻟﻜﻮﺟﻴﻄﻮ ﺩﻳﻜﺎﺭﺕ ﻛﻴﻘﻮﻝ ﺑﻠﻲ ﻫﻮﻳﺔ ﺍﻟﺸﺨﺺ ﺗﺘﺄﺳﺲ ﻋﻠﻰ ﺍﻟﻌﻘﻞ ﻭﺍﻟﺘﻔﻜﻴﺮ ﻭﺍﻟﻮﻋﻲ ﻷﻥ ﺧﺎﺻﻴﺔ ﺍﻟﻮﻋﻲ ﻫﻲ ﻣﺪﺧﻞ ﻧﺤﻮ ﺍﺛﺒﺎﺕ ﺍﻟﻮﺟﻮﺩ ﻭﺍﻟﻬﻮﻳﺔ ﺍﻟﺸﺨﺼﻴﺔ
ﺩﻳﻜﺎﺭﺕ : ﻣﻦ ﺍﻟﻠﺨﺮ ﻛﻴﺄﺳﺲ ﻫﻮﻳﺔ ﺍﻟﺸﺨﺺ ﻋﻠﻰ ﺍﻟﻮﻋﻲ ﻭﺍﻟﺘﻔﻜﻴﺮ ﻭﺍﻟﻌﻘﻞ
- ﺟﻮﻥ ﻟﻮﻙ : ﻫﺎﺩ ﺍﻟﻔﻴﻠﺴﻮﻑ ﻋﻄﺎﻧﺎ ﻣﻮﻗﻒ ﻣﻀﺎﺩ ﻟﻤﻮﻗﻒ ﺩﻳﻜﺎﺭﺕ . ﻟﻮﻙ ﻛﻴﻘﻮﻝ ﺑﻠﻲ ﺍﻟﻌﻘﻞ ﻻ ﻳﻤﻜﻦ ﺍﻥ ﻳﻜﻮﻥ ﺍﺳﺎﺳﺎ ﻟﻠﻬﻮﻳﺔ ﺍﻟﺸﺨﺼﻴﺔ ﻛﻮﻧﻪ ﻳﻮﻟﺪ ﻋﺒﺎﺭﺓ ﻋﻦ ﺻﻔﺤﺔ ﺑﻴﻀﺎﺀ ﻭﻛﻤﺜﺎﻝ ﺃﻥ ﺍﻟﻮﻻﺩ ﺍﻟﺼﻐﺎﺭ ﻓﺎﺵ ﻛﻴﺘﺰﺍﺩﻭ ﻣﻜﻴﻌﺮﻓﻮ ﻭﺍﻟﻮ ﻭﺃﻱ ﺣﺎﺟﺔ ﻛﻴﻜﺘﺸﻔﻮﻫﺎ ﺑﺎﻟﺘﺠﺮﺑﺔ ﻭﺍﻹﺣﺴﺎﺱ ﺑﺤﺎﻝ ﺍﻟﻨﺎﺭ .. ﻟﺬﻟﻚ ﺟﻮﻥ ﻟﻮﻙ ﻛﻴﺄﺳﺲ ﻫﻮﻳﺔ ﺍﻟﺸﺨﺺ ﻋﻠﻰ ﺍﻟﺘﺠﺮﺑﺔ ﻭﺍﻻﺣﺴﺎﺱ ﺑﺎﻋﺘﺒﺎﺭﻫﺎ ﻣﺪﺧﻼ ﻧﺤﻮ ﺍﻛﺘﺸﺎﻑ ﺍﻟﻌﺎﻟﻢ ﻭﺍﺛﺒﺎﺕ ﺍﻟﺬﺍﺕ
ﺟﻮﻥ ﻟﻮﻙ : ﻣﻦ ﺍﻟﻠﺨﺮ ﻛﻴﺄﺳﺲ ﺍﻟﻬﻮﻳﺔ ﺍﻟﺸﺨﺼﻴﺔ ﻋﻠﻰ ﺍﻻﺣﺴﺎﺱ ﻭﺍﻟﺘﺠﺮﺑﺔ
المحوﺭ :2 ﻗﻴﻤﺔ ﺍﻟﺸﺨﺺ
- ﻣﻦ ﺃﻳﻦ ﻳﺴﺘﻤﺪ ﺍﻟﺸﺨﺺ ﻗﻴﻤﺘﻪ؟
- ﻣﺎ ﻣﺼﺪﺭ ﻗﻴﻤﺔ ﺍﻟﺸﺨﺺ ؟
- ﻫﻞ ﻗﻴﻤﺔ ﺍﻟﺸﺨﺺ ﻧﺴﺒﻴﺔ ﺃﻡ ﻣﻄﻠﻘﺔ ؟
☆☆ ﻏﻨﻘﻮﻝ ﻟﻴﻜﻢ ﺷﻲ ﺣﺎﺟﺔ ﻛﻴﻔﻤﺎ ﺍﻧﺎ ﻛﻨﻀﺮﺏ ﺗﻤﺎﺭﺓ ﺗﺎ ﻧﺘﺎ ﺧﻮﺫ ﻭﺭﻗﺔ ﻭﻛﺘﺐ ﺍﻟﻤﻮﺍﻗﻒ ﻏﻨﻌﻄﻴﻬﻢ ﻟﻴﻚ ﻭﻟﻜﻦ ﻓﺎﻱ ﻛﺘﺎﺑﺔ ﻓﻠﺴﻔﻴﺔ ﺿﺮﻭﺭﻱ ﺗﺒﺘﻜﺮ ﻣﻮﻗﻒ ﺩﻳﺎﻟﻚ ☆☆
ﺍﻟﻤﻮﻗﻒ ﺍﻷﻭﻝ
- ﻛﺎﻧﻂ : ﻫﻮ ﻛﻴﻘﻮﻝ ﺍﻥ ﺍﻟﺸﺨﺺ ﻳﺘﻤﻴﺰ ﻋﻦ ﺑﺎﻗﻲ ﺍﻟﻜﺎﺋﻨﺎﺕ ﺍﻻﺧﺮﻯ ﺑﺎﻟﻌﻘﻞ ﻭﺧﺼﻮﺻﺎ ﺍﻟﻌﻘﻞ ﺍﻟﻌﻤﻠﻲ ﺍﻷﺧﻼﻗﻲ ﺍﻟﺬﻱ ﻳﺤﺪﺩ ﺍﻟﺒﻄﺎﻗﺔ ﺍﻟﺸﺨﺼﻴﺔ ﺍﻷﺧﻼﻗﻴﺔ ﻭﻳﻌﺪ ﺍﻣﺘﻼﻛﻪ ﺑﺎﺑﺎ ﻧﺤﻮ ﻋﺎﻟﻢ ﺍﻻﺧﻼﻕ ﻭﺍﻟﻜﺮﺍﻣﺔ ﻭﺍﻟﻤﺴﺎﻭﺍﺓ ،ﻭﻫﻮ ﺑﻬﺬﺍ ﺍﻟﻌﻘﻞ ﻳﺮﻏﻢ ﺑﺎﻗﻲ ﺍﻟﻤﻮﺟﻮﺩﺍﺕ ﻋﻠﻰ ﺍﺣﺘﺮﺍﻣﻪ ﻛﺎﻧﻂ : ﻣﻦ ﺍﻟﻠﺨﺮ ﻫﺎﺩ ﺧﻮﻧﺎ ﻛﺎﻧﻂ ﻛﻴﻘﻮﻝ ﻟﻴﻚ ﺑﻠﻲ ﺍﻟﺸﺨﺺ ﻳﺴﺘﻤﺪ ﻗﻴﻤﺘﻪ ﻣﻦ ﺍﻟﻌﻘﻞ ﺍﻟﻌﻤﻠﻲ ﺍﻷﺧﻼﻗﻲ
ﺍﻟﻤﻮﻗﻒ ﺍﻟﺜﺎﻧﻲ
- ﻏﻮﺳﺪﻭﺭﻑ : ﻫﻮ ﻛﻴﺄﻛﺪ ﺃﻥ ﻗﻴﻤﺔ ﺍﻟﺸﺨﺺ ﻻ ﺗﺘﺤﺪﺩ ﻓﻲ ﺍﻧﻌﺰﺍﻝ ﺍﻟﺸﺨﺺ ﺑﻞ ﺑﺎﻧﺨﺮﺍﻃﻪ ﻓﻲ ﺍﻟﺠﻤﺎﻋﺔ ﺃﻱ ﻓﻲ ﺇﻃﺎﺭ ﺃﺷﻜﺎﻝ ﺍﻟﺘﻀﺎﻣﻦ ﻭﺗﺠﺴﻴﺪ ﺟﻞ ﻣﻈﺎﻫﺮ ﺍﻟﺘﻌﺎﻭﻥ ﻣﻊ ﺍﻟﻐﻴﺮ ﻓﺎﻻﻧﺴﺎﻥ ﻻ ﻳﺴﺘﻐﻨﻲ ﻋﻦ ﺍﻟﺠﻤﺎﻋﺔ
- ﻏﻮﺳﺪﻭﺭﻑ : ﻫﺎﺩ ﺧﻮﻧﺎ ﻣﻮﻗﻒ ﺩﻳﺎﻟﻮ ﺑﺎﻳﻦ ﻫﻮ ﺍﻥ ﺍﻟﺸﺨﺺ ﻛﻴﺴﺘﻤﺪ ﻗﻴﻤﺘﻮ ﻣﻦ ﺍﻟﺘﻌﺎﻭﻥ ﺩﻳﺎﻟﻮ ﻣﻊ ﺍﻻﺧﺮﻳﻦ
ﺑﺤﺎﻟﻚ ﻧﺘﺎ ﻓﺎﺵ ﻛﺘﻌﺎﻭﻥ ﺍﻟﻔﻘﺮﺍﺀ ﻭﻛﺘﻌﺎﻣﻞ ﻣﻌﺎﻫﻢ ﻣﺰﻳﺎﻥ 😉
ﻧﺰﻳﺪﻭ ﻣﻮﻗﻒ ﻋﻼﺵ ﻻ ﻏﻨﺨﺘﺼﺮﻭ
- ﻫﻴﻐﻞ : ﺗﺎ ﻫﻮ ﻋﻨﺪﻭ ﺭﺃﻱ ﻭ ﻫﻮ ﺍﻥ ﻗﻴﻤﺔ ﺍﻟﺸﺨﺺ ﺗﺘﺤﺪﺩ ﺑﺎﻟﺘﺰﺍﻣﻪ ﺑﺎﻟﺴﻠﻮﻙ ﺍﻟﺨﻼﻗﻲ ﻭﺍﻣﺘﺜﺎﻟﻪ ﻟﻠﻘﺎﻧﻮﻥ ﻭﺭﻭﺡ ﺍﻟﺸﻌﺐ ﻭﻣﺒﺎﺩﺉ ﺍﻷﻣﺔ ﻟﻜﻲ ﻳﺴﻤﻮ ﺍﻟﻰ ﻣﺮﺗﺒﺔ ﺍﻋﻠﻰ .
المحور 3:محور الشخص بين الضرورة والحرية .
يعني هاااد الشخص واش عايش ومرتاح وضارب دنيا بركلة ولا عايش ومقهور وكايدير شحال من حاجة بزز عليه .. كاين فرويد كايقول بأن الشخص عايش مقهور وشكون لي قهرو .؟؟؟؟ بغيت تعرف شكون قاهرو ...هبط التحت ... قاهراه النفس ديالو حيت النفس الانسانية فيها الهو يعني اللاوعي او اللاشعور فيها الغرائز والشهوات والكبوتات ماقدرش بنادم يصبر مع الشهوات ديالو وكاين الانا الاعلى يعني ديك البلاصة ديال الاخلاق والقيم اللي كاتقول الشخص نوض تصلي دير الخير وماتكذبش هاديك هي الانا الاعلى ... غانختاصر ليك هاد الموقف دبااا ... بعض المرات كاتكون جالس فالقسم وذاك الاستاذ نتا ماحاملوش وكاتقول فراسك نمشي نعطيك شي سلخة واحد الحاجة فراسك كتقول غير تهدن راه غير استاذ هداك خاصك تحتارمو ... فهاد اللحظة كايكون صراع نفسي مابين الانا الاعلى اللي كاتقول تهدن والهو وديك الساع كتدخل الانا لي ماكتخليكش تدير شي حاجة ... هدا هو الصراع النفسي ديال فرويد يعني فهاد للقضية بنادم عايش بزز ومقهور بسباب النفس ديالو ...
