شرح خطوات ومراحل تحليل ومناقشة أي نص فلسفي
1👈المقدمة
🌻تمهيد(والتمهيد كيبقى على حساب المجهود ديال التلميذ)أول حاجة خصنا نبداو بها فمعالجة اي نص فلسفي هي المقدمة باش تكتب مقدمة صحيحة خصك 4 ديال العناصر ولي ضروري ديرهم وخاااا تبع معياا
1-أول حاجة خاصك ديرها هيا تقرا النص لعندك أوتحدد إنا مجزوءة كينتمي لها منين تعرف إنا مجزوءة كينتمي لها النص أو تعريف ديالها بمعنى منين تعرف إنا مجزوءة كينتمي لها داك النص الفلسفي لعندك غادي تعطي واحد تقديم حول ديك المجزوءة فحدود ثلاثة أو أربعة أسطر ، أونساا عليا ديك كلمة يندرج ولا يتأطر حيدهم دير مقدمة حول المجزوءة لكينتمي لكينمي لها النص(خاص هاذ تقديم ديال المجزوءة يكون خاص ديالك ماشي مشترك مبين الثلاميذ لا ) قلب عليه من عند ناس مختصين ولا شوف أستاذك يعاونك باش تصوب مقدمة للمجزوءات لعندك فالمقرر.
2- حاجة هي ذكر المفهوم بمعنى شمن مفهوم هداك لكيهدر عليه النص لعندك واش الشخص ولا الغير ولا التاريخ. (على حساب كل مجزوءة إو المفاهيم ديالها).
3- خطوة هيا خصك تحدد لنا إنا محور لكيعلجو لنا النص غي مثلا واش نص لعند كيهدر على محور الشخص والهوية ولا الشخص بوصفه قيمة ولا شخص بين الضرورة الحرية على حساب نص لعندك وعلى حساب إنا محور كيهدر عليه.
4- كنديروا المفارقة اي وجهة النظر أراء الفلاسفة حول هذه القظية الفلسفية المطروحة في النص الفلسفي قيد التحليل
(غادس نعطيكم نمودج للمفارقة كيف كتكون ويمكن لكم تخدمو بيه (كما أن هاته القظية الفلسفية عرفت مفارقات فلسفية جعلت من إشكال(ذكر اسم المحور)مادة لتقابل أراء الفلاسفة حيت يرى بعض الفلاسفة على أن (إتبات السؤال مثلا ان معرفة العير ممكنة) وعلى عكسهم يرى البعض الأخر ان(نفي السؤال مثلا ان معرفة الغير مستحيلة) من خلال هذه المفارقة نستنتج مجموعة من الإشكالات من قبيل:
5- خطوة الأخيرة هي طرح إشكالات لهذا النص لتخلينا ندوزو التحليل والمناقشة.
أول: نطرح سؤال حول المفهوم اللي كيهدر عليه النص لعندنا مثلا إلا كان النص لعندك كيهدر على مفهوم الشخص كنطرحو سؤال بحال هكذا(ما الشخص؟)
تانيا:هنا نطرحو سؤال حول المحور لكهدر عليه النص لعندك مثلا إلا كان النص لعندك كيهدر على محور محور الشخص والهوية كنطرحو سؤال بحال هكذا(وأين تكمن قيمته).
ثالتا: هنا كنطرحو سؤال على النص لعندنا كنشوف النص علياش كيهدر وكنطرحو سؤال علية مثلا إلا كان نص كيهدر على أن هوية الشخص ثابتة هنا نطرح سؤال هكذا (وهل هويته ثابتة أم متغيرة).
✋باش نبعدو على المقدمة النمطية الموجودة على عدة مواقع سأدرج لكم نمودج مقدمة صحيحة تبعو معيا نمودج المقدمة
من خلال قرائتي المتأنية لهذا النص وكذا لإطلاع على مفاهيمه الجوهرية إتضح لي أنه يتمحور بشكل عام داخل مجال مجزوءة (ذكر هنا المجزوءة لكينتمي ليها النص المطروح او كنعطيو واحد تعريف موجز لها في حدود او ثلات أو أربع أسطر متفتهومش)
🌻تاطير النص:بما أننا كتبنا في الاول تعريف ديال المجزوءة منين نبغيو نأطرو النص الفلسفي لعندنا يكفي اننا نقولوكما ترتبط هذه المجزوءة بمفهوم (ذكر المفهوم الذي يعالجه النص دون تعريفه )وبالأخص يعالج قظية(ذكر اسم المحور اللي كينتمي ليه النص المطروح)
🌻من بعد كتجي الاسئلة الاشكالية
وخاص يكون النص كيجاوب على هاد الاسئلة وماخاصكش طرح شي سؤال وماتجاوبش عليه في العرض ضروري اي سؤال طرحتوه فالمقدمة تجاوبو عليه في العرض.
اولا سؤال كنطرحو كيكون على المفهوم لكيهدر عليه النص مثلا إلا كان عندنا النص كيهدر على مفهوم الشخص منطرحو سؤال بحال هكذا ما الشخص؟
ثاني سؤال كنطرحوه حول المحور لكيهدر عليه النص مثلا إلا كان النص لعندنا كيهدر لنا على محور الشخص بوصفه قيمة نطرحو السؤال بحال هكذا وأين يكمن قيمته؟
ثالتا نطرحو سؤال حول النص زعما نقراو النص او نشوفو علاياش كيهدر مثلا قرنا النص او عرفنا بانه كيقول لنا پ
بأن الشخص غاية في ذاته نطرح السؤال بحال هكذا هل في كونه غاية ام مجرد وسيلة؟
ومتنساوش علامة الاستفهام ؟من بعد كل سؤال وحتى علامات الترقيم حيت كيحكرو عليها الاساتدة.
👈او كتابة اسم عنوان المجزوءة والمفهوم والمحور واسم الفلاسفة وبألوان مغايرة نترهو لهادشي
2العرض
🍁مرحلة التحليل:
👈كنبدا فالعرض اي في مرحلة التحليل بأطروحة صاحب النص او من من مورها كنقسوا داك النص الفلسفي لعندنا لأفكار أو كنقولو فكل فكرة شنو بغا يوصل لما فيها صاحب داك النص الفلسفي (كنقولو مثلا إذا ابتدأ صاحب النص نصه ب (او كندرو شنو بغا يقول لينا فالفقرة الأولى ثم بين على أن( او كندرو شنو بغا يقول لينا فالفقرةالثانية ) ليختتم نصه ب (او كندرو شنو بغا يقول لينا فالفقرة الأخيرة) من مورها كنذكرو المفاهيم لعتمدها صاحب النص مع تعريفها ووضع العلاقة التي تجمع بين هذه المفاهيم (هل هي علاقة تلازم (شنو كنقصدو بعلاقة تلازم زعما مفهوم مرتبط بمفهوم إلا مكانش داك المفهوم الأوم حتى المفهو التاني مستحيل يكون ) ام علاقة ترابط وانسجام ام علاقة تضاد) او من مورها كندزو البنية الحجاجية لعتمدها صاحب النص باش يقنعنا بالأطروحة ديالو:كجواب على الإشكالات اعلاه يدافع صاحب النص على أطروحة مركزية مفادها ان(ذكر أطروحة صاحب النص)
مثال
يدافع صاحب النص الذي بين أيدينا على أطروحة فلسفية مفادها أن الغير هو انا آخر مثلي وليس شيئا كالطاولة التي هي شئ من الاشياء العالم بل هو وجود انا آخر اي كأنا مماثل لأناي إلا انه مستقل عنها من مورها .
👈كنتاقلو لشرح المصطلحات المهمة ويكون واحد الربط بين المصطلحات ماشي ندير عوارض نتقل من مصطلح لمصطلح بالربط
وكنكتبو مثلا
ولتدعيم موقفه وظف صاحب النص مجموعة من المفاهيم الفلسفية المتقابلة بحيت يقصد بمفهوم....أما لفظ .... ويقصد بعبارة ...
👈آخر مرحلة في التحليل هي الحجاج
خاصني نكون عارف بعدا اساليب الحجاجية
نكتب الاسلوب الحجاجي يعني ندكر آش من اسلوب هدا واش اسلوب التاكيد او......او...
و نكتب حتى الجملة اللي كتحتوي على الاسلوب الحجاجي ونعطي تفسير علاش صاحب النص استعملهوم باش يوضح واحد الفكرة او لا باش يدافع على فكرة او لتفسير....
2👈مرحلة المناقشة
🍹المناقشة الداخلية
مثال:قبل التطرق الى المواقف الفلسفية التي عالجت" وجود الغير "يجب أن نحدد قيمة النص من حيث شكله وتتجلى قيمة هذا النص في وضوح لغته الفلسفية وبساطتها مع ترابط افكارها وعمق مفاهيمها وقوة حجاجها أما من حيث المضمون فتكمن قيمة هذه الأطروحة في أنها دافعت على أن (وهنا كنقول شنو بغا يبين صاحب النص من خلال الاطروحة ديالو يعني بحال كنعاودو نصيغو الاطروحة بواحد الطريقة آخر ).
🍹المناقشة الخارجية
👈 كنفاتحو على مواقف الفلاسفة (المواقف المؤيدة،المواقف المعارضة)مع دكر اسماء الفلاسفة وكندعمو المواقف باقوال الفلاسفة.3_الخاتمة
🌹كنبداو بواحد الجملة كنقولو فيها مثلا بان هاد الموضوع مزال كيطرح واحد جدال عند الفلاسفة (مهم كل واحد بالتعبير ديالو)👈وكانعاودو نكتبو و مواقف الفلاسفة بواحد الطريقة جد مختصرة وكانساليو بواحد سؤال مفتوح
✋ملحوضة
منين نكون كنكتب المقال الفلسفي وخا نكون عارف اسم ديال صاحب النص مكندكروش دائما كنكتب صاحب النص👈يكون النص متناسق استعمال ادوات الربط وعلامات الترقيم
✋اهم شئ هو معرفة المجزوءة و المحور اللي كينتميلو النص حيت هو اللي عليه العمل الى غلطتو فيه وخا تعياو متناقشو اتجيبو تحت المعدل ابزاف
_________________
