شرح مفهوم التاريخ بجميع محاوره من مجزوءة الوضع البشري بالدارجة المغربية
من بعد ما شرحنا لكم فالحصص السابقة مفهوم الشخص والغير بجميع محاورهها اليوم إن شاء الله غادي نشرحو لكم اخر مفهوم في مجزوءة الوضع البشري لهوا مفهوم التاريخ ركزو معايا مزيان مفهوم التاريخ كيتكون من ثلاتة ديال المحاور لهما
1-المحور الأول:المعرفة التاريخية
2-المحورالتاني:التاريخ وفكرة التقدم
3-المحورالثالت:دور الإنسان في التاريخ
باش متنساوش هاد المحاور ركزو معايا مزيان باش عمرهم يتنساو ليكم او حاجة خاصنا نتساءلو عليها واش يمكن ليا نعرف التاريخ (إذن المحور الأول:المعرفة التاريخية)؛او من بعد كنتساءلو واش هاد التاريخ كيتقدم (المحور التاني التاريخ وفكرة التقدم )من نبعد كنتساءلو يعني شنو الدور ديالي انا كإنسان فالتاريخ (يعني المحور الثالت دورالإنسان في التاريخ)هكذا حفظوهم او معمرهم يتنساو لكن .
نبداو على بركة الله
مفهوم التاريخ
المحور الاول :المعرفة التاريخية.
شرح المفاهيم:
-المعرفة:هي واحد الطريقة اللي كاتمكنا باش نكتاشفو ونعرفو واحد الظاهرة.
-التاريخ:هو مجموعة من الوقائع اللي وقعات في الماضي،لكن هاد الوقائع عندها تاثير كبير في الحاضر ديالنا،وكاتبقى مستشرفة حتى في المستقبل.
اشكالية المحور:
-ما التاريخ؟ هل معرفة التاريخ ممكنة أم مستحيلة؟ هل يمكن معرفة التاريخ معرفة علمية قائمة على المنهج أم أن المعرفة التاريخية مجرد معرفة سردية وأدبية تعتمد على الخيال؟وما الصعوبات التي تواجه المؤرخ وهو يحاول إعادة بناء التاريخ؟
المواقف الفلسفية(مؤيد ومعارض):
دونك دبا غادي نطلقو باش نحدو اول موقف لتحدت لنا على قظية ديال المعرفة التاريخية لهوا موقف يعود إلى الفيلسوف الكبير هنري مارو اشنو كيقول لنا هنري مارو فهاد الموقف كيقول لنا بأن التاريخ ماشي هو واحد السرد لأحدات الماضي (ماشي انا مثلا نجي نعاود لكم على احدات مرة فالماضي غير هكذاك ونا كاع مبحت فيه او كاع معشت فيه)كيقول لنا لا او كيقول لنا كذالك بان التاريخ ماشي عمل أدبي يعني ماشي بحال شي رواية او شيء من هذا القبيل لكتابة ماضي الإنسان او كيقول لنا بان التاريخ ماشي ماشي سرد للأحدات او ماشي واحد العمل ادبي او كيقول لنا بأن التاريخ هو واحد معرفة علمية ينشئها المؤرخ (من هو المؤرخ؟ المؤرخ هو لكيتكلف بكتابة التاريخ )عن ذالك الماضي الذى مضى معتمدا في ذالك على منهج علمي صارم ودقيق يعني ضروري او واجب على اي مؤرخ او اي عالم ضروري يعتمد على واحد المنهج علمي باش أنه يتوصل لحقائق هدفه الكشف عن حقيقة ذالك الماضي.
-ابن خلدون: كايقول على ان التاريخ نظر وتحقيق ،يعني اي واحد يمكن ليه اعاود على التاريخ (مثلا الى مشيتي عند جداتك ورغم انها ماكاتعرفشي تقرا ولا تكتب ،فهادا لايحكم على انها لا تعرف التاريخ ,فهي كذلك غادي تعطيك ثلة من المعلومات بخصوصه),
-ريمون ارون: كايقول انو المعرفة التاريخية محاولة لاعادة بناء الحياة الماضية ،يعني كانعاودو نبنيو هاداكشي اللي وقع في الماضي عن طريق مخطوطات ووثائق مختلفة،ويقول كذلك ايمون ارون مايمكنشي نعرفو المعرفة التاريخية لان الناس ديال هاد الوقت ماغاديشي اقدرو اشعروا بهاداكشي اللي وقع فالماضي،(مثلا انايا كانعاود لشي شخص على الوقائع والاحداث اللي وقعات في فلسطين انو ماتوا فيها العديد من الاشخاص ملي كانو كايتقاتلوا...اذا فهاداك الشخص اللي كانعاود ليه ماغاديشي احس بهاديك الهضرة لانه ماعاشي هادوك الاحداث،ولكن غادي تجيه مسالة عادية).
المحور الثاني:التاريخ وفكرة التقدم.
اشكالية المحور:
-هل التاريخ تقدم أم تكرار؟ وهل هناك غاية أو معنى من تراكم التجارب الإنسانية وتسلسل أحداثها أم ذلك يتم بدون غاية أو معنى، وبالتالي يسير تحت رحمة الصدفة؟
المواقف الفلسفية(مؤيد ومعارض):
-ميرلوبونتي:كايقول انو التاريخ غادي غا اعتباطي،ماشي كايخضع لمنطق التقدم .واننا خاصنا نمشيو بابعد العقلاني.
-هيجل: كايقول العكس ،ان التاريخ يخضع لمنطق التقدم وكل مرة كاتبان حاجة جديدة لان البحث هو اللي كايخلينا نكتاشفو ونعرفو بزااف تااع الحاجات.
المحور الثالث: دور الانسان في التاريخ.
اشكالية المحور:
-هل يمكن اعتبار الانسان هو صانع التاريخ؟
المواقف الفلسفية(مؤيد ومعارض):
-هيجل:كايقول انو"مكر التاريخ" كايجعل الانسان يعتاقد انه صانع التاريخ،لكن راه التاريخ هو صانع الانسان ،(مثلا الى قلنا شكون اللي صنع التاريخ واش هيتلر اللي صنع التاريخ ام التاريخ هو اللي صنع هيتلر ،اذا الى قلنا انو التاريخ هو اللي صنع هيتلر يعني راه التاريخ وقعات فيه بزااف تاع الاحداث وهي اللي خلات هيتلر ابان واتعرف ،والى قلنا العكس فاذا انو هتلر هو اللي دار حاجات بزااف باش هو ادخل للتاريخ).
-جون بول سارتر: كايقول مادام ان الانسان حر،وهو المتحكم في الاحداث ومتميز بالوعي والحرية ،راه امكن ليه اتجاوز الاكراهات الاجتماعية والاقتصادية ،ويكون فالاخير هو صانع التاريخ.
( بعض المواقف مختصرة ،حاول(ي) انك توسع(ي) وتحلل(ي) كل موقف على حسب شنو فهمتي لان مادة الفلسفة كاتبغي التعبير اكون مطلق وليس مقيد).
