الثورة الروسية وأزمات الديمقراطيات بالدارجة المغربية
مقدمة :
الثورة الروسية لي وقعات 1917 هي لي كانت سبب باش ناض النظام الاشتراكي + ونفس الوقت عرفات الأنظمة الديموقراطية لي كانت بأوروبا الغربية بزاف نتاع الأزمات لي مختالفة فوقيتة نتاع الحربين العالميتين 1 و 2 هاد شي يطرح بزاف ديال الاسئلة:
- أول حاجة أنهضرو على الثورة الروسية الأسباب لي دات ليها، والمراحل لي دازت منها.
إلى جينا نهضرو على الثورة الروسية غادي لقاوها عندها علاقة ببزاف نتاع المراحل، لي هي:
* تحولات اقتصادية وتناقضات اجتماعية : الفلاحة التقليدية كانت هي النشاط الرئيسي حتى لمطلع القرن 20، حيث
الأراضي كان لي محكم فيه هو النبلاء ورجال الدين، وكانو تايستغلو طبقة
الفلاحين لي ضعاف وفقراء، فهاد الوقت روسيا كانت عرفات حركة نتاع التصنيع،
هادشي كان سبب باش تبان البرزجوازية والطبقة العاملة.
* معارضة الحكم الاستبدادي: كان واحد الامبراطور سميتو نيقولا الثاني تايجمع كاع السلطات وتايمنع
الحريات العامة، وكان هاد الامبراطور تايمثل النبلاء لي كانو تاهما
تايحتاكروا المناصب لي هي كبيرة إلى بغينا نقولو المناصب السامية، وكان
تايحتاكروا على مجلس " الدوما " لي تايعني واحد البرلمان روسي.
الحركات لي كانت معارضة، ماقدراتش تصبر، وبدات تاتخدم بالتخبية بمعنى سريا، هاد العمل السري كان سبب باش يأسس لينا " كيرانسكي " الحزب الاشتراكي الثوري، وقدر لينين ينشأ الحزب العمالي الاشتراكي الديموقراطي (لي غادي يتعرف ببزاف نتاع الأسماء من بعد فمقالنا، من بينها الحزب البولشفي ثم الحزب الشيوعي، وهي أسماء واحدة لحزب العمال الاشتراكي الديموقراطي، هادي غي باش تزيدوها عندكم سد عليا القوس ههه وكمل)، أما البرجوازية قدرات هي باش تأسس الحزب الدستوري الديموقراطي لي تسمى بــ " الكاديت ".
* دور نتاع الحرب العالمية الأولى فاندلاع الثورة:
كما تانعرفو بلي روسيا انهزمات فالحرب العالمية الأولى قام ألمانيا، وعرفات بزاف نتاع الخسائر لي هي بشرية ومادية، هاد الهزيمة كانت سببب باش تنخافض الانتاج اللفلاحي والغذائي، وولات روسيا مهدة بالمجاعة، هادشي أيكون سبب باش تنوض الثورة الروسية.
 + هنا أنهضرو على مراحل الثورة الروسية سنة 1917، ولي دازت من جوج مراحل لي هي:
 أولا: ثورة فبراير: بزاف نتاع المظاهرات لي انت شعبية وقعات فالعاصمة الروسية بيتروكراد Petrograde هادشي خلى القيصر نيقولا الثاني لي نهضر عليه قبل باش يتنازل على العرش، هاد التنازل نتاعو رافقه تشكيل حكومة لي هي مؤقتة وكانت أغلبيتها من البرجوازية .
 ثانيا: ثورة أكتوبر وتسمات حتى بــ ( الثورة البولشفية ) : هاد الحكومة المؤقتة لي تأسسات منين تنازل نيقولا على الحكم، قررات أنها دير الديموقراطية السياسية، ولكن ماستاجباتش للمطالب نتاع العمال والفلاحين لي فقراء وحتى الجنود ماستاجباتهش ليهم، هاد عدم الاستجابة للمطالب نتاع هاد الطبقات كان سبب يشكل هؤلاء مجالس السوفيات لي كان تايسيطر عليها الحزب البولشفي، وبالتالي كانت نتيجة نتاع هادشي قيام الثورة البولشفية بمعنى الاشتراكية، وقدرات أنها تقصي الحكومة المؤقتة، وتم تأسيس الحكومة الاشتراكية برئاسة سي لينين.
- منين طلعات الدولة الاشتراكية قررات أنها دير بزاف نتاع شي أمور دغيا دغيا، لي من بينها: كاع الملاكين العقارين الكبار زولات ليهم الاراضي نتاعهم وممتلكاتهم، وبسط القرابة العمالية على المصانع، ومانساوش أنهم عطاو للشعوب لي ماشي روسية باش تقرر فمصيرها، وفالاخير الانسحاب من الحرب العالمية الأولى، بفضل بمعاهدة " بريست ليتوفسك ".
* هنا غادي نهضرو على مشاكل الدولة الاشتراكية وخطوات نتاع البناء الاشتراكي:
- الدولة الاشتراكية واجهات جوج نتاع المشاكل لي هما، الحرب الأهلية مع التدخل الأجنبي :
1) نبداو مع الحرب الأهلية لي كانت فالفترة بين 1918-1921 : الدولة الاشتراكية كانت تاخذات شي قرارات، وهاد القرارات كانت لها معارضة كبيرة من البرجوازية والنبلاء لي كانو تايشكلوا ما سمي بــ " الحرس الأبيض "، هادشي سبب لهم يدخلوا فحرب مع اجيش الأحمر لي تابع للدولة الاشتراكية.
2) التدخل الأجنبي : دول الحلفاء حتالات الهوامش نتاع روسيا، وقدمات للحرس الأبيض (لي هما البرجوازية والنبلاء) مساعدات مادية وحتى عسكرية .
- البناء الاشتراكي كان فعهدي لينين و ستالين:
+ هنا أنهضرو على شيوعية الحرب لي كانت 1918-1921 : ولي كانت خطة اقتصادية متطرفة تطبقات منين كانت الحرب الأهلية،، ولي كانت أهم قراراتها التجارة الحرة تم منعها + كلفات إجباريا كاع الفلاحين داك الفائض نتاع الانتاج يعطويه للدولة + يعتارفوا بنظام الحزب الواحد لي تايعني الحزب الشيوعي أخيرا تم الاقرار ديالو.
+ هاد شيوعة الحرب غادي تكون سبب باش يتدهور الوضع الاقتصادي والاجتماعي هناك فروسيا، فكان البديل لي جا به هو أنهم ينهجوا السياسة الاقتصادية الجديدة، ولي تاتعني:
+ السياسة الاقتصادية الجديدة وكانت تاتسمى حى بــ النيب NEP ولي كانت فــ
1921 - 1928، هاد السياسة الاقتصادية الجديدة جات بأساليب رأسمالية لي من بينها: يسمحو بالتجارة الحرة والملكية الخاصة الصغيرة فالصناعة وحتى التجارة، وينفاتحوا على الرأسمالي الأجنبي، ويتخلاو على داك الفائض نتاع الانتاج لي كانو تايعطيوه الفلاحين للدولة. ومايبقاوش يصدروه.
+ فكانت نتائج هاد السياسة الاقتصادية الجديدة، الاقتصاد السوفياتي نتاعش، وتحسنات الأوضاع الاجتماعية، ومانساوش بلي هادشي كان سبب باش ترجع عاوج الاقطاعية والبرجوازية.
 + دابا أنهضرو على التخطيط الاقتصادي الاشتراكي بداية من سنة 1928 :
✅ أجيو نشوفو أزمات نتاع الديمقراطيات الليبرالية بين الحربين مثلا ناخذو إيطاليا وفرنسا:
كما تانعرفو بلي مخلفات الحرب العالمية الأولى كانت سبب باش ناض النظام الفاشي فإيطاليا:
1) دابا أجيو نشوفو الأوضاع العامة فإيطاليا قبل ماتبان الفاشية فيها:
 + وفسنة 1922 بالضبط فإيطاليا قام النظام الفاشي:
 2) دابا ماما فرنسا، لي عاشت بزاف نتاع المشاكل فالفترة بين الحربين، أجيو نشوفوا هاد المشاكل لي عاشتها فرنسا:
خاتمة :
لي تايبان لينا فالنهاية بلي النظام الاشتراكي تقوى بالاتحاد السوفياتي،
وكما قلنا الدول الرأسمالية لاحظنا بلي قاسات بزاف نتاع الأزمات قفالفترة
بين الحربين، بحال الأزمة الاقتصادية العالمية لي كانت سنة 1929
