شرح درس: الإستغلال الإستعماري للمغرب في عهد الحماية بالدارجة المغربية
مقدمة:
المغرب مع الغزو العسكري و التحكم السياسي لي وقع ليه، مانساوش بلي خضع للاستغلال الاستعماري فعهد الحماية، وهادشي تايحلنا على سؤال شنو هي أليات ومظاهر ونتائج هاد الاستغلال؟
أولا:اجيو نشوفو اليات و ﻣﻈﺎﻫﺮ ﺍﻻﺳﺘﻐﻼﻝ ﺍﻻﺳﺘﻌﻤﺎﺭﻱ ﻟﻠﻤﻐﺮﺏ ﻓﻲ ﻋﻬﺪ ﺍﻟﺤﻤﺎﻳﺔ :
اول حاجة لي غادي نهدروا عليها هي أليات الاستغلال الاستعماري ولي بزاف نذكر منها:
- الاستعمار باش يستولي على اراضي الفلاحين المغاربة، صدر شي قوانين لي منها قانون التسجيل و المحافظة العقارية و قانون تحديد اراضي المخزن وقانون تيخلي الاراضي الجماعية تحت وصاية الدولة.
- الاستعمار الفرنسي باش يستغل الفوسفاط، نشأ المكتب الشريف للفوسفاط OCP، وفنفس الوقت دار مكتب ديال الابحاث و المساهمات المعدنية هاد المكتب تيتكلف باش ينقب او يقلب على المعادن الاخرى لي فالمغرب.
- القبائل نتاع المغرب باش يوليو تابعين الاستعمار عطا امتيازات مهمة لريوس الكبار بحال التهامي لكاوي لي كان باشا نتاع مراكش.
- الاستعمار ولى يسير التعليم حسب مصالحه.
- باش يسهل الاستعمار على راسو الاستغلال الاقتصادي و الغزو العسكري والسيطرة السياسة دار شبكة جديدة نتاع المواصلات تعاونو فهادشي.
ثانيا انهضرو على مظاهر هالد ﺍﻻﺳﺘﻐﻼﻝ ﺍﻻﺳﺘﻌﻤﺎﺭﻱ :
* الادارة الاستعمارية شجعات الاوربيين باش استقروا فالمغرب وعطاتهم بزاف نتاع الامتيازات على حساب المواطنين المغاربة.
* ﺑمن غير فترة الحرب العالمية الثانية، الاستثمارات الاجنبية تزادت فالمغرب فعهد الحماية وتنصفات لنوعين:
- ﺍﺳﺘﺜﻤﺎﺭﺍﺕ عمومية كانت فملك ﺍﻹﺩﺍﺭﺓ ﺍﻻﺳﺘﻌﻤﺎﺭﻳﺔ .
- ﺍﺳﺘﺜﻤﺎﺭﺍﺕ ﺧﺎﺻﺔ فملك الاجانب.
* اما الاستعمار الفلاحي خذا جوج اشكال لي هي مهمة:
- ﺍﻻﺳﺘﻌﻤﺎﺭ ﺍﻟﺮﺳﻤﻲ : لي هو الادارة الاستعمارية ستولات على اراضي المخزن و الجماعة و الاحباس.
- ﺍﻻﺳﺘﻌﻤﺎﺭ ﺍﻟﺨﺎﺹ : المعمرين الاوربين سيطرو على اراضي الفلاحين المغاربة ببزاف نتاع طرق.
* مانساوش بلي الاستعمار هتم باستغلال الثروات الطبيعيو للمغرب ولي فمقدمتها: الفوسفاط، وباقي المعادن و مصادر الطاقة، و هاد الثروات كان يتم توجيهها نحو السوق الخارجية.
* الاستعمار دخل للمغرب الصناعة الحديثة لي تتمركز فالمدن الكبرى بالخصوص الدار البيضاء.
* الاستعمار دار من المغرب مصدر للمواد الخام وفنفس الوقت سوق للمنتوجات الصناعية.
* الاستعمار حافظ على ضرائبلي كانت قديمة بحال ضريبة المكوس(كانت تتفرض على الاسواق التجارية) و مانساوش ضريبة الترتيب وفرض ضرائب جديدة منها الضريبة المهنية و الضريبة الحضرية، وعمل على ابتزاز سكان المغاربة من خلال جمع الاكتتابات و المساهمات.
ثالثا نهضرو على اﻟﻨﺘﺎﺋﺞ ﺍﻻﻗﺘﺼﺎﺩﻳﺔ ﻭﺍﻻﺟﺘﻤﺎﻋﻴﺔ ﻟﻼﺳﺘﻐﻼﻝ ﺍﻻﺳﺘﻌﻤﺎﺭﻱ ﻟﻠﻤﻐﺮﺏ ﻓﻲ ﻋﻬﺪ ﺍﻟﺤﻤﺎﻳﺔ :
هاد ﺍﻻﺳﺘﻐﻼﻝ ﺍﻻﺳﺘﻌﻤﺎﺭﻱ ضر ﺑﺎﻻﻗﺘﺼﺎﺩ ﺍﻟﻤﻐﺮﺑﻲ بزاف:
- الاستعمار دخل للمغرب الفلاحة العصرية لي كانت فملك الاجانب، ولي كانت تتمحور فالمناطق لي هي خطبة، وعتامدات على اساليب لي هي حديثة، بلالضبط فالمزروعات لي عندها طابع تسويقي. وفظل هادشي المغاربة اغلبيتهم كانو تايديرو الفلاحة التقليدية لي تتعيش(المعيشية).
- الصناعة التقليدية المغربية تعرضات للمنافسة من طرف الصناعة الاوربية الحديثة او العصرية.
- قدام هاد تزايد نتاع الواردات وتناقص الصادرات، الميزان التجاري المغربي عرف عجز كبير، هادشي خلى المغرب يمشي يكريدي(يقتارض) من عند دول اوروبية الشيء لي خلاه يعاني تراكم الديون الخارجية.
هنا انهضرو على ان ﺍﻻﺳﺘﻐﻼﻝ ﺍﻻﺳﺘﻌﻤﺎﺭﻱ خلف ﻋﻮﺍﻗﺐ ﺍﺟﺘﻤﺎﻋﻴﺔ لي منها:
- البعروبية(البادية) فالمغرب عرفات بزاف نتاع تحولات اجتماعية لي يمكن نحصروها فالتالي:
- ﺍﻟﻨﻈﺎﻡ ﺍﻟﻘﺒﻠﻲ تفكك.
- ولى عندنا علاقات للانتاج الراسمالي القائم على الملكية الخاصة .
- الاراضي لي هي خصبة ولات فيد المعمرين الاوربين. فالمقابل الفلاحين المغاربة قنعوا بملكيات لي هي صغيرة فمناطق لي هي اقل خصوبة.
- الضرائب ثقالت على السكان القرويين + اعمال السخرة.
- مانساوش نتاشرات الهجرة القروية.
* فالمقابل يمكن لينا لخصوا ﺍﻟﺘﺤﻮﻻﺕ ﺍﻻﺟﺘﻤﺎﻋﻴﺔ لي عرفاتها المدن المغربية فهادشي لتحت:
- افلاس ﺍﻟﺘﺠﺎﺭ ﻭﺍﻟﺤﺮﻓﻴﻴﻦ ﺍﻟﻤﻐﺎﺭﺑﺔ قدام المنافسة ﺍﻷﺟﻨﺒﻴﺔ .
- ولات عندنا الطبقى العاملة المغربية لي كاينة اغلبيتها فالمدن الكبرى هاد طبقة عاشت ظروف لي هي مزريو منها مدة العمل لي كانت طويلة+ ضعف الاجور. هادشي ظهر بشكل سلبي على العمران وولى عندنا دور الصفيح.
- اضافة ﺃﻏﻨﻴﺎﺀ ﺍﻟﻤﺪﻥ ﺍﻟﻌﺘﻴﻘﺔ (بحال فاس) حولوا فلوسهم ﺇﻟﻰ ﺍﻟﺪﺍﺭ ﺍﻟﺒﻴﻀﺎﺀ لي ولات هي ﻣﺮﻛﺰ ﺍﻻﻗﺘﺼﺎﺩ ﺍﻟﺤﺪﻳﺚ ،ﻭﺑﺎﻟﺘﺎﻟﻲ بانت النوة الاولى للبرجوازية المغربية.
ﺧﺎﺗﻤﺔ :
الاستغلال الاستعماري ماخلاش غي نتائج اقتصادية واجتماعية، بالعكس خلى حتى نتائج سياسية لي منها: تنشات الحركة الوطنية المغربية وتطورات.
