شرح رائع لدرس الحركات الاستقلالية بالجزائر وتونس وليبيا بالدارجة المغربية
باسم الله نبدأعلى بركة الله
- كما عرفنا ان المغرب عرف حركة وطنية
مطالبة للاستقلال، حتى خوتنا فالجزائر وتونس وليبيا قاموا حركات تتطالب
بالاستقلال نتاع البلد من الاستعمار لي غي تيستغلها وتينهب الثروات
والخيرات نتاع هذا البلدان... وعليها الدرس لي غادي نقسموه ل 3ديال
المحاور، غادي ندرسوا هاد فهاد المحور( الإطار التاريخي لي بانت فيه هاد
الحركات الاستقلالية ) .. المحور الثاني غادي اندرسوا فيه ( المنعطف
التاريخي لي ساهم بشكل كبير باش تقوم) .. المحور الثالت غادي نهضرو فيه
على (كيفاش تحولت من المطالبة بالإصلاحات إلى المطالبة الاستقلال) .. كما
وقع مع المغرب.
1) الاطار التاريخي لظهور هذه الحركات الاستقلالية:
- اول حاجة فهاد المحور: انهضرو على مظاهر الاستعمار بالجزائر وتونس
وليبيا: الى جينا ندرسوا مظاهر الاستعمال فالجزائر وتونس وليبيا تلقاو هاد
المظاهر فان المستعمرين لي جاو لهاد البلدان كانو عدد ديالهم بزاف وبقى
تيتزايد .. هاد المستعمرين تعطاوت لهم بزاف نتاع الامور لي هي زوينة منها
عطاوهم احسن الاراضي لي فهاد البلدان، وهاد الاراضي خذاوها المستعمرين
بالقوة عن طريق الاستيطان (الاستيطان هو انك تتجي لشي ارض ماشي ديالك
وتدير فيها تجمع سكني او تتسكن فيها ... بحال فقضية فلسطين واسرائيل ..
ليهود جاو ستوطنوا فلسطين بمعنى حتلوها) هاكا وقع لتونس ولجزائر وليبيا.
حاجة اخرى مانساوهاشتعطات لهم تسهيلات باش يستثمراو المستعمرين في قطاع
الصناعة ومن تما يديرو مقاولات نتاعهم + ومن بين المظاهر كذلك ان هاد
المستعمرين بكثرتهم بغاو يستاغلوا المعادن والثروات و الخيرات لي تتوفر
عليها هاد البلدان بحال المناجم و المتاجر ويتحكموا حتى فالمبادلات
التجارية الخارجية(بمعنى انهم يديرو كلشي بنفسهم ويتحكوا فالاقتصاد نتاع
البلاد) اما على المستوى الاجتماعي تلقاو مظاهر هاد الاستعمار اهو تعطى
لهم خدمات اجتماعية او امتيازات اجتماعية للمستعمرين بحال التعليم وتطبيب
.. اما مظاهره على المستوى الساسي تلقاو المستعمرين بغاو تعطعى لهم مواقع
سياسية لي عندها وزن فالبلاد (بحال يتحكموا فوزارة المالية ولا وزارة
الخارجية الخ) .
ثاني حاجة فهاد المحور غادي ندرسوه هي الانعكاسات نتاع هاد الاستعمار على
الجزائر وليبيا وتونس لي هي تجلت في المستوى الاقتصادي والاجتماعي
والسياسي تبعوا معايا باش تفهموا↓↓↓
1) انعكاسات الاستعمار اقتصاديا:
-منين تنجيو نشوفو الانكاسات نتاع الاستعمار على المستوى الاقتصادي
تلقاو ان الفلاحين و التجار و المستثمرين دارو فاييت(بمعنى افلاس) ومنين
دارو الافلاس اصبحوا عمالا عند المستعمرين وهادشي غادي يترتبوا عليه بزاف
نتاع الامور لي هي صعيبة منها الصالير(الاجرة) اينقص وغادي تزادوا ساعات
نتاع العمل و تزادت البطالة و تزادوا الضرائب على الناس، وحتى المستعمر
ولاو مكم فالميزان التجاري نتاع هاد البلدان بمعنى الواردات لي تيجيبوا من
الخارج تتكون مصنوعة ولات كثر من الصادرات لي عكس الواردات غي تيصيفطوا
الخام نتاع المنتوج(بمعنى الخام بحال مثلا الى صدرنا الحديد كمادة خامة ومن
بعد ماتصوب تنوليو نشريوها من برا بثمن كثر علما اننا حنا لي صيفطنا مادة
خامة باش تصوب) + مانساوش الاقتصاد نتاع هاد البلاد مابقاش موجه للمواطنين
بالعكء ولى يرتكز على التصدير بدرجة اولى.(فهمتوا .. لي مافهمش حتى نسالي
ونعاود نشرح ليه).
2) انعكاسات الاستعمار اجتماعيا:
- اما الانعكاسات نتاعو على هاد المستوى الاجتماعي تالقاو الفقر والبطالة
منتاشر بزاف فيهم + الامراض وحتىالتعليم ولى حالتو حالة بمعنى تدهور
والامية تاهي تزادت بشكل كبير اضافة ظهور دور الصفيح وحتى دوك الاحتجاجات
لي تيكونو ضد المستعمرين يتم قمعها وظلم المواطنين.. كما مانساوش ان ظروف
العيش الكريم ماكانتش تتوفرها ادارة المستعمرين واغلبية السكان كانو فمناطق
لي ناقصة فيها البنية التحتية.
3) انعكاسات الاستعمار على المستوى السياسي:
- اما على المستوى السياسي تالقاو الظلم والمواطنين تحرموا من حقوق نتاعهم
المدينة(حق التعليم، حق الحياة، حق التجول) ومن حقوق سياسية(منها الحرمان
من الانتماء السياسي والنقابي) .. ومانساوش مواطني هاد البلدان حرمهم من
تولي مناصب لي هي كبيرة فالبلاد.
كما يعلم الجميع امس بدينا درس الحركات الاستقلالية فكل من تونس وليبيا والجزائر
اليوم مع محور جديد متعلق ب(المنعطف التاريخ او الحدث التاريخي لي ساهم
فقيام هاد الحركات الاستقلالية) بمعنى غادي نهضرو على امر وحدث تاريخي حدث
كان وراء قيام هاد الحركات الاستقلالية .. تبعوا معايا الله ينوركم↓↓↓
من بعد ماهدرنا على الاطار التاريخي لظهور هذه الحركات الاستقلالية اليوم انكملوا على الترتيب نتاع درس وانديرو↓↓
*2) المنعطف التاريخي لحركات التحرر في الجزائر وتونس وليبيا:*
اولا صغيرا: حركة الاستقلال في الجزائر:↓↓
- فالجزائر من اجل الاستقلال نتاعها .. تم تاسيس حمعية تمسات ب " جمعية
العلماء المسلمين الحزائريين من طرف عبد الحميد ابن باديس(لي غادي نعرف به
فالاخير باش تعرفو هاد السيد) .. هاد الجمعية دارت مؤتمر اسلامي جزائري
(بمعنى على ارضها وبين علمائها) .. هاد المؤتمر كان من بين الامور لي دارت
فيهانه تم تقديم خلالهورقة فيها محموعة من الاصلاحات السياسية لي عندها
علاقة بتوفير الحقوق للجزائرين واعطائهم لحقوقهم، امر اخر هو احترام
الحريات واهم شيء كان هو المطالبة بانشاء حكومة جزائرية هذا ضمن اصلاحات
سياسية تم المطالبة بها، اما الاصلاحات الاقتصادية لي تم المطالبة بها
وضمتهم هاد الورقة تتمثل في احترام ادارة المستعمر لحقوق العمال(كما ذكرنا
امس انه تجار هاد البلدان دارو افلاس واصبحوا يعملون لدى المستعمرين مدة
طويلة واجر لي هو قليل) داكشي لي دفعهم باش يطالبوا باحترام حقوق العمال
ومعاهم حتىالفلاحين وحتى ان استنزاف خيرات البلد تم المطالبة بالتوقف عن
ذلك ومايبقاوش غي يشفروا فخيرات البلاد، اما الاصلاحات الاجتماعية لي
طالبوا فهاد المؤتمر تلقاوهم انهم طالبوا بقضية مايبقاش الفقر فالجزائر
ويحاربو البطالة من خلال توفير فرص الشغل + التميز العنصري مايبقاش ويتمتع
ابناء الجزائر بتعليم وصحة وسكن لي هو ممتاز ولي يلقي بهم.
امر اخر تم المطالبة بعدم اعتبار الجزائر تابعة لفرنسا بمعنى لدولة فرنسا
وغادي تولي غي ملحقة فرنسية وعليها طالبوا باش يردوا لهم الاراضي لمواليها
بفضل مناضل اخر جزائري سميتو السيد مصالي الحاج(لي غادي نعرف به فاخر الشرح
ان شاء الله) ومن بين المناضلين كذلك من اجل الاستقلال تالقااو عباس
فرحات لي هو رئيس حزب الاتحاد الجزائري الشعبي، ولي تاهوا مشا على نفس
الهضرة نتاع " المصالي الحاج " وتاهوا طالب باش تصلح الاوضاع نتاع
الجزائريين.
ثانيا صغيرا: حركة الاستقلال في تونس:↓↓↓
- فتونس كان هناك حزب تسمى ب " الدستور " وكان رئيس نتاعو سميتو عبد
العزيز الثعالبي(لي غادي نعطيكم تعريف نتاعو اسفل منين نسالي الشرح) وكان
يجاهد من اجل مطالبة الادارية الاستعمارية الفرنسية باش دير اصلاحات وكانت
بن تونس وفرنسا معاهد الحماية لي تم توقيعها في باردو، ولي الثعالبي من هاد
المعاهدة نطالق باش يطالب فرنسا بالاصلاحات .. ومن هاد الحزب نتاع "
الدستور " غادي يتاسس لينا حزب اخور لي كان تيتزعمو الحبيب بورقيبة وسميت
الحزب " الدستور الجديد " .. غادي تسول مع ريوسكم علاش هاد الحزب تم خلقه
مع وجود حزب الدستور؟ الجواب هو ان حوبالدستور بزعانة الثعالبي ماحققش
الاهداف لي كانو توانسة تيتسناوها منو .. لي من هاد الاصلاحات كانت سياسية
من اعطاء التوانسة لحقوقهم وتعطى لهم مناصب لي هي كبيرة ومهمة للناس لي
واعية فتونسة والنخبة نتاع شباب تونس + اصلاحات اقتصادية(كما الجزائر
طالبات بها) حتى تونس طالبات باصلاحات اقتصادية منها تعطى العمال حقوقهم
وحتى الفلاحين(ومانساوش الاستعمار كان يستولي على ثلث الاقتصاد) وعليها
تونش طالبات باش تلغي هاد الاستغلال الاقتصادي.
- اما على المستوى الاجتماعي تالقاو اصلاحات طالبوا بها التوانسة منها التعليم والصحة والسكن.
ثالثا صغيرا: حركة الاستقلال في ليبيا:↓↓↓
- ليبيا عرفات حركة تسمات بالحركة السنوسية المقاومة الليبية وكان زعيمها
هو عمر المختار .. لي هاد عمر المختار ماكانش حامل الاستعمار الايطالي وكان
رافض ليه ومابغاش يستسلتم ويخضع ليه.. (وكما شفنا مع الجزائر وتونش) حتى
ليبيا طالبات بالاستقلال بالاعتماد على هاد الحركة السنوسية المقاومة
الليبية، ويتم احترام حقوق سكان ليبيا ومواطنيها ومايسرقوش الخيرات نتاعها.
دبا غادي ندرسو اخر محور ان شاء الله من هاد الدرس ونكونو سالينا درس الحركات الاستقلالية في الجزائر وتونس وليبيا .
*3) التحول من المطالبة بالاصلاحات الى المطالبة بالاستقلال:*
أول حاجة: هي العوامل لي خلاتهم ينتاقلوا من المطالبة بالاصلاحات الى المطالبة بالاستقلال ↓↓
← حيث ان هاد الحركات الاستقلالية لي كانت فالجزائر وتونس وليبيا ستافدوا
من قضية ولي هي الميثاق الاطلنتي لي فيه دعوة باش يتم احترام حق الشعوب باش
تقرر مصيرها، وهادشي وافق عليه الرئيس نتاع امريكا روزفلت وقال ان من
الشعوب تقرير مصيرها + هاد الحركات ستافدات حتى من قضية استقلال فرنسا من
المانيا لي كانت محتالاها وهادشي خلى فرنسا باش تاهي تستقل من المناطق لي
ستعمراتها ومنها تونس والجزائر(حيث ليبيا كانت ايطاليا هي ليمستعمرها) ..
كما كان لاستقلال مصر والهند وسوريا الخ كان دعم معنوي باش دير النفس هاد
الحركات وتستاقل تاهي، و لي خلاها ايضا باش طالب بالاستقلال هو رفض ارتفاع
العنف والتهميش لي كانو تايمارسو المستعمر على الجزائريين والتوانسة
والليبيين، وحاجة اخرى ساهمات باش طالب هاد الحركات بالاستقلال هو عدم
تلبية الادارة الاستعمارية لمطالبهم الاصلاحية وهادشي خلىجميع حركات
التحرير فهاد البلدان باش تعتامد سياسة المقاومة المسلحة ويديرو جيش
التحرير .. ولاجل ذلك دارو تحالف مغاربي من اجل الاستقلال كما دار المغرب
هو ومحمد بن عبدالكريم الخطابي منين بغاو يحرروا المغرب العربي.
ثاني حاجة: لي هي انهضرو على التطورات الاخيرة لي كانت خلال عملية استقلال الجزائر وتونس وليبيا↓↓
==> الجزائر:
- فالجزائر تاسس حزب جبهة التحرير الوطني من طرف بن بلة، هاد السيد (بن
بلة) استطاع انه يدخل فالجيس التحريري ومنها شارك فالثورة المسلحة لي كانت
ضد مصالح فرنسا، ولي فسنة 1958 تم تشكيل حكومة جزائرية من بعد ما وافقات
على تاسيسها فرنسا .. ولكن واخا هادشي المقاومة المسلحة مربعاتش يديها
بالعكس بقات مستمرة فالنضال باش تحقق الاستقلال ... هادشي فرنسا خلاها توقع
اتفاقية تسمات ب " ايفيان " فيها ان فرنسا تعترف باستقلال الجزائر، ..ولي
هاد الاستقلال على مرحلتين لي هما:
- 1962دارو استفتاء حول استقلال الجزائر.
- فنفس السنة الجزائر ستحقق استقلالهارسميا شهر يوليوز من سنة 1962.
==> تونس:
- اما تونس كانت مقاومتها عبارة على ثورة مسلحة كانت هدفها تحقيق الاستقلال
.. ولي حصلات عليه سنة 1957 من بعد ماعتارف باستقلالها مينديس.
==> ليبيا:
- كما قلنا ان ان فليبيا كانت الحركة السنوسية وهي لي ناضلوا معاها مواطنون
ليبيا ضد الادارة الاستعمارية الايطالية ورفضوا تقسيم ليبيا ويسرقوا لهم
اراضيهم، وباش تحل الازمة لي الليبية مع الادارة الاستعمار الايطالي تدخلات
هيئة الامم المتحدة باش تحل هاد الازمة لي واقعة بين ليبيا وايطاليا .. لي
كان بالفعل تفاوض ليبي ايطالي سنة 1950 ولي ماخذاش الا عام واحد 1951 باش
يعتارفوا باستقلال ليبيا من الاحتلال اللايطالي.
ولهاد
الحركات الاستقلالية لي كانت فالجزائر وتونس وليبيا تالقاوه قدمات دروس
كبيرة فالمقاومة من اجل الاستعمار ... هنا تيبان لينا من خلال هاد الحركات
الاستقلالية ان الاستعمار عمرو يبقى فحالة كاينة المقاومة الشعبية.
(التعريف بالشخصيات لي وردات فحركة استقلال الجزائر وتونس.↓↓↓)
- فرحات عباس زعيم وطني ورجل سياسي جزائري، مؤسس الاتحاد الديمقراطي
للبيان الجزائري، عضو جبهة التحرير الوطني إبان حرب التحرير الجزائرية، أول
رئيس للحكومة الجزائرية المؤقتة للجمهورية الجزائرية من 1958 إلى 1961، تم
إنتخابه عند استقلال الجزائر رئيسا للمجلس الوطني التشريعي.توفي 23 ديسمبر
1985.
- هو الإمام عبد الحميد بن باديس (1307-1358 هجرية) الموافق لـ (4 ديسمبر
1889 - 16 أبريل 1940) من رجال الإصلاح في الوطن العربي ورائد النهضة
الإسلامية في الجزائر، ومؤسس جمعية العلماء المسلمين الجزائريين.*
- مصالي الحاج الملقب بـ "أبو الأمة" ولد بمدينة تلمسان في 16 مايو 1898،
وتوفي بالعاصمة الفرنسية باريس في 3 يونيو 1974، ودفن بمقبرة الشيخ السنوسي
بمسقط رأسه. ... جند في الحرب العالمية الأولى ثم استقر في فرنسا حيث أسس
عام 1926 مع إخوانه حزب نجم شمال أفريقيا ثم حزب الشعب الجزائري في 11 مارس
1937.
== 2) شخصيات وردت في حركة استقلال تونس↓↓↓
- عبد العزيز الثعالبي (15 شعبان 1293 هـ= 5 سبتمبر 1876 م - أول أكتوبر
1944 م) زعيم تونسي سياسي وديني. من القليلين الذين زاوجوا بين السياسي
والديني، وبين المحلي والإقليمي والعالمي في عملهم؛ للتخلص من الاحتلال
وظلمه والرفعة بالمجتمع والرقي به في الوقت ذاته.*
- الحبيب بورقيبة (3 أغسطس 1903 - 6 أبريل 2000)، أول رئيس للجمهورية
التونسية (25 يوليو 1957 - 7 نوفمبر 1987)، عزله زين العابدين بن علي
بانقلاب وفرض عليه الإقامة الجبرية في مَنزله، كما حُجبت أخباره عن الإعلام
إلى حين وفاته في 2000.
شخصيات وردت في فقرة حركة استقلال ليبيا:
- السيّد عُمر بن مختار بن عُمر المنفي الهلالي (20 أغسطس 1858-الموافق
10 محرم 1275هـ - 16 سبتمبر 1931- الموافق 3 جمادى الأولى 1350هـ)، الشهير
بعمر المُختار، المُلقب بشيخ الشهداء، وشيخ المجاهدين، وأسد الصحراء، هو
قائد أدوار السنوسية في ليبيا، وأحد أشهر المقاومين العرب والمسلمين .
وكاينة اسم حركة لي هو↓↓
الحركة السنوسية هي حركة إصلاحية ذات طابع إسلامي توجد في ليبيا والسودان
تأسست في مكة عام 1837 وتأسست في ليبيا عام 1843 في مدينة البيضاء. وتميزت
هذه الحركة عن غيرها من الحركات الإصلاحية الإسلامية، خاصة فيما يتعلق
بوسائلها وأهدافها الأكثر عمقًا وفاعلية، ويرجع أصلها لسلالة الأدارسة
الذين حكموا المغرب في القرن التاسع .
