أسرار التفوق في مادة الفلسفة
 |
| أسرارالتفوق في مادة الفلسفة للثانية بكالوريا جميع الشعب الأدبية والعلمية |
كيفية التعامل مع امتحان مادة الفلسفة
هذا ما سنجيب عليه في المقال أسفله .
- ركز (ي)معايا هادشي لغادي نقول لكم مهم بزااف ، حيث غنجاوب على أهم الأسئلة ،كيف قلت ليكم أنا كنحاول نركز على جانب كيفاش تعامل مع المادة :
-1) كيفاش نتعامل ونراجع مادة الفلسفة بطريقة سلسة وذكية وأضبطها في وقت وجيز وبمجهود أقل؟
هادشي علاش قلت ليك ركزو معايا حيا هادشي لغادي ناقشوه اليوم غادي يكون مفتاح تسهيل عليكم ضبط وفهم كيفية التعامل مع مادة الفلسفة الفلسفة عموما والإمتحان خصوصا بكل يسر وسهولة
نبدأ على بركة الله
- أول حاجة خاصك تعرفها أن مادة الفلسفة فيها 4 ديال المجزوءات، لهما (الوضع البشري ،المعرفة ، السياسة ، والأخلاق)
من الأفضل على تلميذ أن يركز في مادة الفلسفة على مجزوءتين وتراجعهم مزيان مثلا الوضع البشري والسياسة هذا بالنسبة للشعب الأدبية، أما بالسبة للشعب العلمية فيجب التركيز على مجزوءة الوضع البشري و المعرفة.
2) غادي تقولي واش ممكن تقول ليا شنو خاصني نراجع او نضبط في مادة الفلسفة؟
خصك على الأقل تراجع في هذه المادة مجزوءاتين على الأقل متافقين.
- لبغيتك تعرف أن كل مجزوءة غتراجع وتحفظ المفاهيم ديالها ، وجميع المجزوءات عندهم ثلاثة المفاهيم مثلا : الوضع البشري (مفهوم الشخص ،الغير ،التاريخ )، ،وحاجة أخرى مهمة كل مفهوم فيه ثلاثة المحاور مثلا : (مفهوم الشخص فيه 3 ديال المحاور) المحور1: الشخص والهوية ، المحور2: الشخص بوصفه قيمة ، المحور3: الشخص بين الضرورة والحرية )
كل محور فيه مواقف يعني تصورات ديال فلاسفة كل واحد كيعطي الرأي ديالو حول هذه المحاور ،نتا مطلوب منك تعرف تصورين يعني كل قضية ( اي فكل محور) ،تعرف فيه 2 ديال الفلاسفة يكون واحد مؤيد أو لاخر معارض واش حد هنا مفهوم ، علاش قلت ليك خصك فكل محور تخفظ 2 ديال المواقفةديال الفلاسفة واحد مؤيد أو لاخر معارض باش تناقش بهم الموضوع نهار الإمتحان ،مثلا نعيطم مثال باش تفهموا مزيان (محور الشخص والهوية )
كاين مثلا ديكارت كيشوف بلي الفكر هو لي كيحدد الهوية الشخصية ،وكاين شوبنهاور كيشوف الإرادة هي المحدد للهوية ، وكاين جون لوك كيشوف بلي الشعور هو المحدد للهوية الشخصية) يعني كل محور غتراجع فيه موقفين (مؤيد ومعارض) يعني راجع فقط تلخيص للموقف .
3) كيفاش اسيدي نعرف ونجيب الموقف المناسب للموضوع ديال الإمتحان ؟
- واخا غنقوليك ، بلي راه ممكن تخرج على الموضوع في المناقشة نهار الإمتحان ،غتشوف الموضوع لي حطو ليك وحذاري معمرك تعطي شي سمية لصاحب النص أو القولة أو السؤال لي كايعطوك واخا تكون عارف سميتو،ديما قول مثلا ؛ يرى صاحب النص ،أو يعتقد صاحب القولة أو ... مثلا هذا السؤال (مثلا هذا سؤال فلسفي هل يمكن الإعتماد على الفكر لتحديد الهوية الفكرية للشخص ؟ بغيت نعرف كيف نخرج الأطروحة ديالو) مزيان ، هنا غنحيد أداة الإستفهام "هل" وعلامة الإستفهام(؟) غيولي السؤال ( يمكن الإعتماد على الفكر لتحديد الهوية الشخصية هذي هي الأطروحة ديال السؤال ولكن خصك تناقشها او توسع فيها).
يعني باش كيفكرك هذا التصور : بروني ديكارت لي قلنا أنه كيشوف بأن الفكر هو المحدد للهوية الشخصية ،يعني في المناقشة غنتوسع فهاد السؤال ونبين القيمة الفلسفية ديالو،أوغادي ناقشوه بالمواقف الفلسفية،يعني أولا شكون المؤيد هو ديكارت وبالتالي (نقدر مثلا نقول يتماشى مع نفس الطرح الفيلسوف الفرنسي روني ديكارت الذي يرى هو الآخر بأن ......(وتوسع في الفكرة )) ، من بعد غتجيب شي معارض باش تكمل المناقشة ديالك حيث هذه مناقشة لابد من مؤيد ومعارض يعني نقدر نستشهد برأي جون لوك وغنقول (وعلى النقيض من ذلك يرى المفكر والفيلسوف جون لون أن الشعور هو المحدد للهوية الشخصية ).
4) أشنو خاصني مزال نعرف ؟
- لي خاصك تعرف اوهذي أهم حاجة المنهجية ثم المنهجية ،ثم المنهجية .حيث إلى مضابط المنهجية راك غاضرب كولشي في الصفر ،ومغتستافد من المعلومات لي مراجع ؛ وبزاف ديال التلاميذ كيقولو ؛ راه حفظت وراجعت ومعطاونيش نقطة : المشكل هنا هو كيفاش نقدم دوك المعلومات يعني ؛ المنهجية (مثلا : تخيلوا معايا أن المعلومات والمعارف بحال مثلا بحال شي بناء بغا يبني لنا شي دار كيكون خصو اليجور ديال البناء ،باش تبني حيط خاصو يدير وحدة فوق وحدة ولكن صعيب يكمل ويوصل واحد أربعة ميترو ،علاش ؟ حيث خاصو سيمة باش إكون داكشي مترابط ومتراص ،وهاد السيمة هي المنهجية واش مفهوم)
5-)واش مطلوب مني نبدا المقدمة بواحد تقيدم حول المجزوءة لكينمي لها النص او القولة او السؤال؟
(إن التفكير في مسألة الوضع البشري هو تفكير في الأساس في وضع الإنسان داخل هدا العالم وكذلك في الشروط والعوامل المتحكمة في بناء هذا الوضع وحيت نتحدت عن طبيعة الوضع البشري فإن خاصيتة المميزة هي التفاعل المستمر القائم بين الإنسان المنظور إليه كشخص له هوية ووجود واقعي والإنسان كغير أي كذات مقابلة للأنا تشاركها الوجود وتختلف معها في الانتماء التقافي والديني وهذا التفاعل لايكون خارج الزمان بل داخله وهو مايفسر أن الإنسان كائن تاريخي بامتياز يدرك الأزمنة التي يعيشها ويسعي لكتابة تاريخه كجزء من ماضيه ، وهذا ما نجده في النص الماثل أمامنا بحيث يعالج مفهوم (ذكر المفهوم الذي يعالجه النص او القولة او السؤال) وبالأخص يتطرق لقضية (ذكر اسم المحور الذي يتطرق إليه) ، كما أن هاته القضية الفلسفية عرفت مفارقات ومقاربات واختلافات فلسفية حيت يرى البعض من الفلاسفة عن إن (إثبات السؤال مثلا على أن معرفة الغير ممكنة) وعلى عكسهم يرى البعض الأخر (نفي السؤال مثلا معرفة الغير مستحيلة)الشيء الذي بضعنا أمام مجموعة من الإشكالات من قبيل :
6)واش المفارقة ضروري نديرها . فالنص أو القولة او السؤال؟
الجواب: نعم المفارقة خصك ديرها فالمنهجيات الثلات سواء فالنص او القولة او السؤال هنا كاين شي تلاميذ غادي يقولو ليا لا المفارقة كتكون غير فالسؤال كنقول لهم بأن المفارقة كتكون فالمنهجيات الثلات سواء فالنص او القولة او السؤال غادي نشرح ليكم علاش حيت مدام أن النص الفلسفي عرف نقاش او أراء مختلفة إلا وأن خصنا نديرو ليه المفارقة كذلك القولة اوحتى سؤال كون مثلا الفلاسفة فالنص تافقو على هدرة واحدة او كلام واحد إذن مغاديش نحتاجو نديرو المفارفة مدام أنه كان اختلاف بنتهم إذن هذا الإختلاف هو لفرض على نديرو المفارقة فجميع المنجيات سواء فالنص او القولة او السؤال .
ولكن حاجة أخرى خاصنا نحفظوها هي بعض المصطلحات اللي تكون لصيقة بالمفاهيم مثلا ،نعرف أش كتعني الهوية ،، الشخص ، الذات ....المهم خصني نعرف أو نحفظ المفاهيم الأساسية والثانوية لكل مفهوم. هادشي غادي تحتاجو في تحليل القولة او النص او السؤال وكل مجزوءة عندها مصطلحات ومفاهيم خاصة بها.
7)-دبا الخطوة السابعة الأخيرة خاصك ضروري ملي تكمل أمورك ضروري تراجع وتخدم نماذج قديمة يعني داكشي لي راجعتيه طبقو ،وأحسن طريقة تراحع بيها هي مثلا : تفيق شي نهار مع الصباح وقنع راسك بلي عندك إمتحان ،وختار شي إمتحان قديم وضبط الوقت على ثلاثة ديال السوايع ونخدم من نيتي وتخيل فعلا راسك راك في انهار الإمتحان ،وشوق كيفاش غادي تخدم الإمتحان وشحال غيقدك ديال الوقت ،ومن بعد صحح الأمور ديال ،من بين الإيجابيات ديال هاد الطريقة هي كتعلم ضبط الوقت ،باش متخونك الوقت نهار الإمتحان ،وكيفاش دير تدبير الورقة ديال الإمتحان وتعود نفسيتك على هاد الجو ديال الإمتحان ، وختى تدبير ورقة الوساخ ،وأي حاحة تقدر تأثر على المردود ديالك غادي ضبطها.
( للإشارة المنهجيات راه كنت شرحتهم هنا في المدونة يمكنكم الإطلاع عليها والعمل بها)
(نتمنى تكون هذه الطريقة ديال الشرح تكون ،مزيانة حيث خديت بعين الإعتبار البساطة في شرح المعلومة ، وباش كلشي إفهم ،وربما كاين لي معندو أدنى فكرة فمادة الفلسفة وحتى هو بغيناه إفهم )
مدونة نديرو اليد فاليد من اجل الحصول على البكالوريا تتمنى لكم النجاح والتوفيق
