خطوات ومراحل حفظ مادة الفلسفة وكيفبة التعامل معها في الإمتحان الوطني للثانية بكالوريا جميع الشعب الأدبية والعلمية
 |
| مراحل وخطوات حفظ مادة الفلسفة وكيفية التعامل معها في لإمتحان الوطني للثانية بكالوريا جميع الشعب الأدبية والعلمية |
☆خطوات ومراحل التعامل مع مادة الفلسفة.
في درس اليوم إن شاء الله سنبسط لكم طريقة ضبط وحفظ هذه المادة بكل سهولة وسلاسة ، الأن سأتركم مع المراحل التي يجب عليكم معرفتها لتسهيل عليكم حفظ وضبط مادة الفلسفة بكل يسهر وسهولة.
□المرحلة الأولى
أول ما يجب معرفته في مادة الفلسفة هي المجزوءات التي يتكون منها كتاب مادة الفلسفة :
بحيث يتكون كتاب مادة الفلسفة للثانية البكالوريا لجميع الشعب الأدبية والعلمية من أربع مجزوءات وهي كالتالي:
☆ مجزوءة الوضع البشري : تتكون هذه المجزوءة من ثلاثة مفاهيم جوهرية لهيا مفهوم الشخص ، مفهوم الغير ، مفهوم التاريخ وكل واحد من هذه المفاهيم يتكون من ثلاثة محاور رئيسية :
☆ مفهوم الشخص : يتكون من ثلاثة محاور
● المحور الأول الشخص والهوية
●المحور الثاني الشخص بوصفه قيمة.
●المحور الثالث الشخص بين الضرورة والحرية.
☆مفهوم الغير : بدوره يتكون من ثلاثة محاور رئيسية وهي:
●المحور الأول وجود الغير
● المحور الثاني معرفة الغير
●المحور الثالث العلاقة مع الغير.
☆ مفهوم التاريخ : بدوره يتكون من ثلاثة محاور رئيسية :
●المحور الأول : المعرفة التاريخية
●المحور الثاني : التاريخ وفكرة التقدم
●المحور الثالث : دور الإنسان في التاريخ
☆ مجزوءة المعرفة:
□ مفهومي النظرية والتجربة
● المحور اﻷول:التجربة والتجريب
●المحور الثاني:العقلانية العلمية
●المحور الثالث:معايير علمية النظريات
☆مفهوم الحقيقة:
●المحور اﻷول :الحقيقة والرأي
●المحور الثاني:معايير الحقيقة
●المحور الثالث:الحقيقة كقيمة
☆مفهوم: مسألة العلمية في العلوم اﻹنسانية:
●المحور اﻷول: موضعة الظاهرة اﻹنسانية
●المحور الثاني:ا لتفسير والفهم في العلوم اﻹنسانية
●المحور الثالث: نمودجية العلوم التجريبية
□مجزوءة السياسة
■مفهوم :الدولة
●المحور اﻷول: مشروعية الدولة وغايتها
●المحور الثاني: طبيعة السلطة السياسية
●المحور الثالث: الدولة بين الحق والعنف
☆ مفهومي الحق والعدالة:
● المحور اﻷول: الحق بين الطبيعي والوضعي
● المحور الثاني: العدالةوبإعتبارها أساسا للحق
● المحور الثالث: العدالة بين المساواة واﻹنصاف
☆مفهوم:العنف
●المحور اﻷول: أشكال العنف
●المحور الثاني: العنف في التاريخ
●المحور الثالث:ا لعنف والمشروعية
□مجزوءة اﻷخلاق
☆مفهوم الواجب
●المحور اﻷول: الواجب واﻹكراه
●المحور الثاني: الوعي اﻷخلاقي
●المحور الثالث: الواجب والمجتمع
☆ مفهوم:الحرية
●المحور اﻷول: الحرية والحتمية
●المحور الثاني: الحرية واﻹرادة
●المحور الثالث: الحرية والقانون
☆ مفهوم:السعادة
●المحور اﻷول: تمثلات السعادة
●المحور الثاني: البحث عن السعادة
●المحور الثالث: السعادة والواجب.
- لبغيتكم تعرفو أن في كل مجزوءة خاصكم تحفظوا المفاهيم ديالها ، وجميع المجزوءات عندهم ثلاثة ديال المفاهيم مثلا : الوضع البشري فيه (مفهوم الشخص ،الغير ،التاريخ )، ،وحاجة أخرى مهمة كل مفهوم فيه ثلاثة المحاور مثلا : (مفهوم الشخص فيه 3 ديال المحاور) المحور 1: الشخص والهوية ، المحور 2 : الشخص بوصفه قيمة ، المحور 3: الشخص بين الضرورة والحرية )،وكل محور فيه مواقف يعني تصورات ديال فلاسفة كل واحد كيعطي الرأي ديالو حول هذه المحاور ،نتا(ي) مطلوب منك تعرف تصورين يعني كل قضية ( اي فكل محور) ،تعرف فيه 2 ديال الفلاسفة يكون واحد مؤيد أو لاخر معارض واش حد هنا مفهوم ، علاش قلت ليك خصك فكل محور تخفظ 2 ديال المواقفةديال الفلاسفة واحد مؤيد أو لاخر معارض باش تناقش بهم الموضوع نهار الإمتحان ،مثلا نعيطم مثال باش تفهموا مزيان (محور الشخص والهوية : كاين مثلا ديكارت كيشوف بلي الفكر هو لي كيحدد الهوية الشخصية ،وكاين شوبنهاور كيشوف الإرادة هي المحدد للهوية ، وكاين جون لوك كيشوف بلي الشعور هو المحدد للهوية الشخصية) يعني كل محور غتراجع فيه موقفين (مؤيد ومعارض) يعني راجع فقط تلخيص للموقف .
من الأفضل على تلميذ أن يركز في مادة الفلسفة على حفظ مجزوءتين على الأقل وضبطهم جيدا من هذه المجزوءات مجزوءة الوضع البشري والسياسة هذا بالنسبة للشعب الأدبية، أما بالسبة للشعب العلمية فيجب التركيز على مجزوءة الوضع البشري و المعرفة.
المرحلة الثانية :
الإمتحان الوطني في مادة الفلسفة يتكون من ثلاثة مواضيع:
-موضوع 1: سؤال فلسفي
-موضوع 2:قولة فلسفية
-موضوع 3: نص فلسفي
السؤال المطروح هو (حلل وناقش)
ملحوظة_مهمة: << في الإمتحان الوطني يجوز لك اختيار موضوع واحد فقط يجب عليك تحليله ومناقشته >>
- لي خاصك تعرف اوهذي أهم حاجة المنهجية ثم المنهجية ،ثم المنهجية .حيث إلى مضابط المنهجية راك غاضرب كولشي في الصفر ،ومغتستافد من المعلومات لي مراجع ؛ وبزاف ديال التلاميذ كيقولو ؛ راه حفظت وراجعت ومعطاونيش نقطة : المشكل هنا هو كيفاش نقدم دوك المعلومات يعني ؛ المنهجية (مثلا : تخيلوا معايا أن المعلومات والمعارف بحال مثلا بحال شي بناء بغا يبني لنا شي دار كيكون خصو اليجور ديال البناء ،باش تبني حيط خاصو يدير وحدة فوق وحدة ولكن صعيب يكمل ويوصل واحد أربعة ميترو ،علاش ؟ حيث خاصو سيمة باش إكون داكشي مترابط ومتراص ،وهاد السيمة هي المنهجية واش مفهوم).
#الإمتحان_الوطني_‼️__❌ الفلسفة ❌
- كيحطو ليك 3 المواضيع إختارية :
1) منهجية النص ( الى عطاوك نص )
2 ) منهجية السؤال ( الى عطاوك السؤال )
3) منهجية القولة ( الى عطاوك القولة )
- نتا كتختار موضوع واحد فقط ، يعني ختار الموضوع اللي فاهمهو او ضبطو مزياااااان .
- حاول تفهم المنهجيات مزياااااااان .
- مديرش فالوطني المنهجية الجاهزة اللي كتلقاوهم فالفيس أو ... ، خاصك دير منهجية بأسلوبك الخاص أحسن .
- وحاولو تستعمل جوج ألوان : الأزرق والأسود مثلا .
- ومتنساش توضح خطك والأخطاء الإملائية وكذلك داك التشطيب على بعض الكلمات اتحتنبوه باش تاخدو 3 نقاط ديال هاد التنظيم
- ومللي تبغي تكتب مقدمة دخل بجوج مربعات وكذلك العرض وكذلك الخاتمة ، هادشي كامل كتكون الورقة زوينة ومنظمة ، هنا كتسهل على المصحح قراءت ورقتك وهنا تاخد نقطة على التنظيم وعلى المنهجية والمعلومة .
المرحلة الثالث:
هناك منهجيات يجب أن يحفضها التلاميد لتسهيل تحليل ومناقشة واتباع خطواتها :
1- منهجية القولة
2- منهجية السؤال
3- منهجية النص
----------------------
أهم الأشياء التي يجب علينا القيام بها في التحليل و المناقشة :
----------------
المقدمة:
أول حاجة خصنا نبداو بها فمعالجة أي نص أو أي قولة أوأي سؤال فلسفي هي المقدمة باش تكتب مقدمة صحيحة خصك تحترم 4 ديال العناصر ولي ضروري ديرهم وخاااا تبع معياا
1-أول حاجة خاصك ديرها هيا تقرا النص أو القولة أو السؤال الفلسفي لعندك أوتحدد إنا مجزوءة كينتمي لها منين تعرف إنا مجزوءة كينتمي لها النص أو تعريف ديالها بمعنى منين تعرف إنا مجزوءة كينتمي لها داك النص الفلسفي لعندك غادي تعطي واحد تقديم حول ديك المجزوءة فحدود ثلاثة أو أربعة أسطر ، أونساا عليا ديك كلمة يندرج ولا يتأطر حيدهم دير مقدمة حول المجزوءة لكينتمي لكينمي لها النص(خاص هاذ تقديم ديال المجزوءة يكون خاص ديالك ماشي مشترك مبين الثلاميذ لا ) حاول تصوب تقديم خاص بيك ولا معرفتيش تصوبو ، شوف مع الأستاذ ديالك يعاونك باش تصوب مقدمة للمجزوءات لعندك فالمقرر.
2- حاجة هي ذكر المفهوم بمعنى شمن مفهوم هداك لكيهدر عليه النص لعندك واش الشخص ولا الغير ولا التاريخ. (على حساب كل مجزوءة أو المفاهيم ديالها).
3- خطوة هيا خصك تحدد لنا إنا محور لكيعلجو لنا النص غي مثلا واش نص لعند كيهدر على محور الشخص والهوية ولا الشخص بوصفه قيمة ولا شخص بين الضرورة الحرية على حساب نص لعندك وعلى حساب إنا محور كيهدر عليه.
4- كنديروا المفارقة اي وجهة النظر أراء الفلاسفة حول هذه القضية الفلسفية المطروحة في النص الفلسفي قيد التحليل
(غادس نعطيكم نمودج للمفارقة كيف كتكون ويمكن لكم تخدمو بيه (كما أن هاته القظية الفلسفية عرفت مفارقات فلسفية جعلت من إشكال(ذكر اسم المحور)مادة لتقابل أراء الفلاسفة حيت يرى بعض الفلاسفة على أن (إتبات السؤال مثلا ان معرفة العير ممكنة) وعلى عكسهم يرى البعض الأخر ان(نفي السؤال مثلا ان معرفة الغير مستحيلة) ومن خلال هذه المفارقة نستنتج مجموعة من الإشكالات من قبيل:
5- خطوة الأخيرة هي طرح أشئلة لهذا النص لتخلينا ندوزو التحليل والمناقشة.
أول: نطرح سؤال حول المفهوم اللي كيهدر عليه النص لعندنا مثلا إلا كان النص لعندك كيهدر على مفهوم الشخص كنطرحو سؤال بحال هكذا(ما الشخص؟)
تانيا:هنا نطرحو سؤال حول المحور لكهدر عليه النص لعندك مثلا إلا كان النص لعندك كيهدر على محور محور الشخص والهوية كنطرحو سؤال بحال هكذا(وأين تكمن قيمته).
ثالتا: هنا كنطرحو سؤال على النص لعندنا كنشوف النص علياش كيهدر وكنطرحو سؤال علية مثلا إلا كان نص كيهدر على أن هوية الشخص ثابتة هنا نطرح سؤال هكذا (وهل هويته ثابتة أم متغيرة).
------------------
العرض:
(التحليل ===>(القولة او النص و سؤال) كل منها ولديها طريقتها الخاصة في التحليل
كل واحدة من هذه المنهجيات يجب حفظها وفهم طريقة العمل بها . المنهجيات قمنا بوضعها لكم على المدونة يمكنكم الإطلاع عليها و الإشتغال بها.
----------------
المناقشة===>يكون فيها أولا تحديد قيمة الأطروحة أي نقط فوتها،وكذلك مناقشها باستحضار أقوال الفلاسفة:
1- استحضار موقف فيلسوف مؤيد.
2- استحضار موقف فيلسوف معارض.
الهدف:ابراز أوجه الإختلاف بين الفلاسفة في الأطروحة التي سبق لك أن استخراجها وقمت بتحليلها)
---------------
☆الخاتمة :
هنا فالخاتمة غادي تخرج بخلاصة عن السؤال أو القولة أو النص لفلسفي لعندك زعما ديك السؤال او النص او القولة شنو فهمتي منو بمعنى أشنو بغا يقول لنا اي الفكرة العامة ديالو ، ثم أنك تهضر على أنه عطانا مجموعة من المواقف المتعارضة، بين مؤيد، هنا غادي دير المؤيد لأطروحة السؤال او القولة او النص وتعطي خلاصة لأطروحته ( علاش قلت لك غي خلاصة باش مطحوش فالتكرار نتاع الهضرةة ديالو غادي تعطي غير تلخيص ديال ديك الهدرة لقال في سطر صافي )، ثم موقف الفليسوف المعارض باختصار كذلك وماتنساش ملخص الأطروحة ديالو، ، ، وفالأخير خاصك تصيغ إشكال مفتوح غادي تقولي كيفاش غادي ندير نطرح هاد السؤال المقتوح متخافش غادي نورك كيفاش تبع معايا مثلا كنقولو وفي ضل تضارب هذه المواقف والتصورات يمكن طرح التساءل التالي(طرح سؤال ينفتح على المحور الذي يلي الإشكال الذي يعالجه السؤال او النص او القولة فمثلا إلا كان هاذا السؤال لعندنا كيعالج المحور الأول معرفة الغير فحنا خصنا نطرحو سؤال على المحور الثاني لتبعو واش مفهوم.
مثلا إلا كان السؤال لعندك كيهدر على هل معرفة الغير ممكنة هنا كنطرحو سؤال كيفتح على المحور لمور هذا مثلا نقولو وأين تكمن علاقة الغير مع الأخرين؟ شتو هكذا طرحنا السؤال بطريقة ساهلة أوذكية.
